చెట్ల నరికివేతకు సంబంధించి సుప్రీంకోర్టు తీర్పును  ప్రభుత్వాలు పాటించాలి

  జాతీయ అటవీ విధానం ప్రకారం  అడవులు 33% చేరుకోవడానికి  ము మ్మర కృషి జరగాలి.*    చెట్ల సంరక్షణకు సోయిలేని ప్రభుత్వాలు 
విచ్చలవిడిగా నరికివేతను ప్రోత్సహిస్తే ఎలా?   ప్రకృతి పరిరక్షణకు  చెట్ల పెంపకం  పౌర సమాజ బాధ్యత కూడా.!
***********
----  వడ్డేపల్లి మల్లేశం  9014206412 
-----29...08...2024*******
ప్రపంచవ్యాప్తంగా  25 శాతం జనాభా ప్రత్యక్షంగా అడవుల పైన ఆధారపడి జీవిస్తున్న విషయాన్ని  ముందుగా పౌర సమాజం గుర్తించాలి . ప్రపంచంలో జీవించే  80 శాతం జంతువులకు అడవులే నివాసంగా జీవనాధారంగా ఉన్న విషయాన్ని కూడా గమనిస్తే ప్రత్యక్షంగా పరోక్షంగా  చెట్లు అడవులు  పర్యావరణానికి సమాజానికి  మానవాళి శ్రేయస్సుకు  తోడ్పడుతున్న అంశాన్ని దృష్టిలో ఉంచుకున్నప్పుడు  పౌర సమాజంతో పాటు పాలకులకు కూడా చెట్లను రక్షించవలసిన బాధ్యత  ఎంతో ఉన్నది. కానీ ఆచరణలో  నిర్లక్ష్యం,  చట్టాల ఉల్లంఘన,  సోయిలేకుండా వ్యవహరించడం,  జాతీయ అటవీ విధాన ప్రకటన ప్రకారంగా 33 శాతం అడవులను కనీసం గా  అమలు చేయడానికి శ్రద్ధ తీసుకోకపోవడాన్ని  దశాబ్దాలుగా భారతదేశంలో మనం చూస్తున్నాం.  ఆ నిర్లక్ష్యానికి నిలువుటద్దం  దేశంలో అడవుల విస్తీర్ణం 78.9.2  మిలియన్ హెక్టార్లలో  మాత్రమే ఉంటే  దేశ భౌగోళిక విస్తీర్ణంలో దాని శాతం  24 మాత్రమే.  ఇప్పటికీ 9 శాతం కనీస అటవీ శాతానికి(33)  తక్కువగా ఉన్నటువంటి ఈ దేశంలో  చట్టాలలోస్కులు పాలకుల నిర్లక్ష్యం  అభివృద్ధి పేరుతో చెట్ల నరికివేత  కొనసాగడం పైన అన్ని వర్గాలు దృష్టి సారించవలసిన అవసరం ఉంది.  ఇదే అంశం పైన ఇటీవల భారతదేశ సర్వోన్నత న్యాయస్థానం  అభివృద్ధి పనులకు ఆటంకాలుగా చెట్లు పరిణమించినయని వాటిని కొట్టి వేయడానికి అనుమతులు  ప్రభుత్వాలు కోరిన సందర్భంలో  రాజ్యాంగంలోని ఆర్టికల్ 51 ఏ ప్రకారంగా  పౌర బాధ్యతలను గుర్తు చేస్తూ  అనివార్యమైతే తప్ప చెట్టును నరికి వేయకూడదని  నరికివేతను చాలా తగ్గించాలని ఆదేశించడం గ మణార్హం .
         మానవ కళ్యాణానికి చెట్లు --
**********
చెట్టు లేనిదే మనిషి జీవించలేడు  చెట్లు విడుదల చేస్తున్నటువంటి ఆక్సిజన్ మానవమనుగడకు  తోడ్పడుతున్న విషయం అందరికీ తెలిసిందే  .భూమి వేడెక్కడాన్ని నివారించడానికి  కారణమవుతున్న కార్బన్ ఉద్గా రాలను  తగ్గించడానికి , ధ్వని కాలుష్యాన్ని అంతం చేయడానికి  ,పశుపక్షాదులు  మానవ సమూహాలకు  నీడను ఆహారాన్ని శక్తిని  ఇస్తూ జీవవైవిద్యం యొక్క మనుగడకు ఆధారభూతమవుతున్న చెట్ల ను  నరికి వేయడం ప్రకృతికి ఎంతో నష్టమని ఇప్పటికీ మనిషి గుర్తించకపోవడం విచారకరం . ముఖ్యంగా భారతదేశంలో అభివృద్ధి ,  రహదారులు, విద్యుత్ తీగలు,  భవనాలు, ఇతర నిర్మాణాలకు ఆటంకం అనే పేరుతో  పెట్టిన చెట్టుని మళ్లీ నరికి వేస్తూ  ప్రకృతికి ద్రోహం చేస్తున్నది  అందరికీ తెలుసు.  "చెట్లను పెంచాలి  అడవులను సంరక్షించాలి" అని నినాదాలు ఇవ్వడమే కానీ  అనేక చోట్ల ప్రభుత్వాలు  మొక్కలు నాటిన  ప్రాంతాలలో నామరూపాలు లేకుండా పోయిన సందర్భాలు గమనిస్తే  కాగితాల మీద ఒకటి ఆచరణలో మరొకటి అని తెలిసిపోతున్నది  .కానీ  ఫిలిప్పీన్స్ దేశంలో  ప్రతి విద్యార్థి పట్టభద్రుడు అయ్యే లోగా కనీసం 10 మొక్కలను విధిగా నాటి  పెంచాలని అక్కడి ప్రభుత్వం నియమం విధించినట్లుగా తెలుస్తుంది . ఆ దేశాన్ని ఆదర్శంగా తీసుకుని భారత దేశంలో  నరికివేతను  అడ్డుకోవడానికి గల అవకాశాలను అన్వేషించవలసిన అవసరం ప్రతి వ్యక్తి పైన ఉన్నది.  భారతదేశంలో చెట్ల నరికివేతకు సంబంధించి దాదాపుగా అన్ని  రాష్ట్రాలలో ఒకటే ధోరణిని మనం గమనించవచ్చు  ఉదాహరణకు తెలంగాణలో 2015 నుంచి 2019 మధ్యకాలంలో  ఏడాదికి లక్షన్నర చొప్పున  మొత్తం 6, 65,396 చెట్లను  ప్రభుత్వ అనుమతితోనే నరికినట్లుగా తెలుస్తుంది.  గనులు రోడ్డు వెడల్పు  ఇతరత్రా కారణాలలో కూడా  కొన్ని సందర్భాలలో ప్రభుత్వాలు గుట్టుచప్పుడు కాకుండా రహస్యంగా చెట్లను నరికివేసి  స్థానిక అవసరాలను  తీరుస్తున్నట్లుగా తెలుస్తున్నది కానీ వాస్తవానికి  పెద్ద మొత్తంలో చెట్లను నరికి వేయవలసి వచ్చినప్పుడు  ప్రభుత్వాలు న్యాయవ్యవస్థ యొక్క అనుమతి తీసుకోవాల్సి న అవసరం ఎంతగానో ఉన్నది  .  క్వారీల నిర్వహణ  నూతన మార్గాలు రైల్వే లైన్లు  వేస్తున్న సందర్భంగా  దేశ వ్యాప్తంగా సుమారు 23 లక్షల చెట్లను కొట్టేయవలసిన  అవసరం ఉన్నదని 2023లో  ప్రభుత్వం రాజ్యసభలో ప్రకటించినది.  ఇక 2001 నుండి 23 మధ్యకాలంలో భారత దేశంలో సుమారు 58 లక్షల ఎకరాల విస్తీర్ణంలో ఉన్న  లక్షలాది వృక్ష సంపదకు నష్టం వాటిలినట్లుగా ప్రభుత్వ గణాంకాలు తెలియజేస్తున్నాయి . పెన్సిల్ల తయారీకి సంబంధించి సంవత్సరానికి 80 లక్షల పైగా చెట్లు  నరికివేత గురవుతున్నట్లుగా గణాంకాలు చెబుతుంటే  కాఫీ తోటల విస్తరణ కోసం కర్ణాటకలో  భారీగా పెరిగినటువంటి చెట్లకు విషపు ఇంజక్షన్ ఇచ్చి  తొలగిస్తున్నటువంటి దృశ్యాలను చూస్తే  కంటతడి పెట్టవలసి ఉంటుందని విశ్లేషకులు ఆందోళన వ్యక్తం చేస్తున్నారు .
      కనీస చర్యలు =aacharana
                    సామాజిక అడవులను ప్రభుత్వ భూములలో విస్తారంగా పెంచడం,  మొక్కల పెంపకం సందర్భంలోనే  స్థలాలను సరిగా ఎంపిక చేయడం,  సాధ్యమైనంత వరకు తక్కువ నష్టంతో ప్రత్యామ్నాయ అవసరాలను గట్టెక్కించడం , ప్రభుత్వాలు పౌర సమాజానికి కూడా  అడవుల సంరక్షణ పట్ల బాధ్యతను గుర్తింప చేయడం , చెట్లు  అడవుల యొక్క ప్రాధాన్యతను  విస్తారంగా జన జీవితంలో ప్రచారం చేయడం ద్వారా  సాధ్యనంతవరకు అడవుల నరికివేతను తగ్గించి  ప్రతి వ్యక్తి విధిగా  చెట్లు పెట్టాలి  అనే నినాదాన్ని ఇంటింటా ప్రచారం చేసి  ఫిలిప్పీన్స్ దేశపు ఆనవాయితీని  ప్రతి కుటుంబంలోని సభ్యులు అమలు చేయగలిగితే  అవసరానికి నరికి వేసినప్పటికీ అంతకు మించిన స్థాయిలో వన  రక్షణ సాధ్యమవుతుంది . ఒక చెట్టును నరికితే 10 చెట్లు నాటాలి అనే నినాదాన్ని అమలు చేయడమే దీనికి పరిష్కార మార్గం.
(  ఈ వ్యాసకర్త సామాజిక రాజకీయ విశ్లేషకుడు అభ్యుదయ రచయితల సంఘం రాష్ట్ర కమిటీ సభ్యులు హుస్నాబాద్ జిల్లా సిద్దిపేట తెలంగాణ )