మైక్ సెట్ అందజేయడం అభినందనీయం : అక్షర ఫౌండేషన్
*మైక్ సెట్ అందజేయడం అభినందనీయం*
అక్షర ఫౌండేషన్ సూర్యాపేట ఆధ్వర్యంలో క్రీ. శే. యాస వెంకట రెడ్డి గారి జ్ఞాపకార్థం యాస శృతి సహకారంతో అక్షర ఫౌండేషన్ కార్యాలయంలో జిల్లాపరిషత్ ఉన్నత పాఠశాల పాతర్లపహాడ్ కు మైక్ సెట్ ను ఎన్జీవోస్ అసోసియేషన్ రాష్ట్ర అధ్యక్షులు యాస రాంకుమార్ రెడ్డి అందజేశారు. రాంకుమార్ రెడ్డి మాట్లాడుతూ మానవసేవయే- మాధవ సేవ అని ప్రతి ఒక్కరూ సామాజికస్పృహ కల్గివుండాలని, సామాజిక సేవలో ఉన్న ఆనందం ఎక్కడ దొరకదని తెలిపారు. జిల్లా పరిషత్ ఉన్నత పాఠశాలకు పదివేల రూపాయల విలువ గల మైక్ సెట్ ను అందజేశారు. ప్రభుత్వ పాఠశాలల్లో చదివే విద్యార్థులు అందరూ పేద పిల్లలని, అట్టి విద్యార్థులకు స్వచ్ఛంద సంస్థలు, దాతలు, పారిశ్రామికవేత్తలు, వ్యాపారులు, శ్రీమంతులు సహాయ సహకారాలు అందించాలని కోరారు. ఈ కార్యక్రమంలో జిల్లా పరిషత్ ఉన్నత పాఠశాల ప్రధానోపాధ్యాయులు బి వెంకటయ్య, తన్నీరు శ్రీహరి, చెరకు శ్రీశైలం, యాస శృతి మొదలైన వారు పాల్గొన్నారు.
