కాలనీ వాసులు అప్రమత్తంగా ఉండాలి: రూరల్ సీఐ .సురేందర్ రెడ్డి
తెలంగాణవార్త 19-08-2024 సూర్యాపేట జిల్లా ప్రతినిధి:- సూర్యాపేట సుగుణ స్మార్ట్ సిటీ కాలనీవాసులు అప్రమత్తంగా ఉండాలని సూర్యాపేట రూరల్ సీఐ సురేందర్ రెడ్డి అన్నారు. శుక్రవారం రాత్రి సూర్యాపేట పట్టణంలోని సుగుణ స్మార్ట్ సిటీ కాలనీవాసుల సమావేశానికి హాజరై ప్రసంగించారు. ఈ సందర్భంగా ఆయన మాట్లాడుతూ కాలనీవాసులు కొత్త వ్యక్తులు సంచరించినప్పుడు ప్రశ్నించాలని తెలిపారు. ఇంటి నుంచి బయటికి వెళ్లినప్పుడు పక్కా ఇంటి వారికి చెప్పి వెళ్లాలని, యాత్రలకు, గ్రామాలకు వెళితే తప్పకుండా పోలీసులకు సమాచారం అందించి వెళ్లాలన్నారు. దొంగలు ఇతర ప్రాంతాల నుంచి వస్తున్నారని ప్రతి ఒక్కరూ అప్రమత్తంగా ఉండాలన్నారు. కాలనీ వాసులు సమన్వయంతో కలిసి ఉన్నప్పుడే దొంగలను పట్టుకోవచ్చు అన్నారు. పోలీస్ శాఖ ప్రజల పక్షాన ఎల్లప్పుడూ ఉంటుందని, భయపడాల్సిన అవసరం లేదన్నారు ఈ కార్యక్రమంలో చివ్వెంల ఎస్సై వెంకట్ రెడ్డి సుగుణ స్మార్ట్ సిటీ కమిటీ అధ్యక్షుడు దామిడి రమేష్ రెడ్డి, సుదర్శన్ రెడ్డి ,భిక్షం, సునీత, శివ పార్వతి, మాధవి, చైతన్య, సురేష్ రెడ్డి తదితరులు పాల్గొన్నారు
