హోంగార్డ్ అరెస్ట్

తిరుమలగిరి 02 నవంబర్ 2024 తెలంగాణ వార్త రిపోర్టర్ : 

సమస్యల పరిష్కారం కోసం హోంగార్డులు ఆందోళనలకు సిద్ధమవుతున్నారు. నేడు తమ డిమాండ్ల సాధనకు హైదరాబాద్‌లోని ఇందిరాపార్క్‌ వద్ద శాంతియుతంగా నిరసనకు మద్దతు తెలపడానికి బయలుదేరిన హోంగార్డ్ తిరుమలగిరి మండలం కె ఆర్ కె తండా కు చెందిన హోంగార్డ్ భుఖ్య సోమ్లా నాయక్ భువనగిరిలో విధులు నిర్వహిస్తున్నాడు ఈరోజు హైదరాబాదులో ఇందిరా పార్క్ కు బయలుదేరిన హోంగార్డును  సూర్యాపేట జిల్లా తిరుమలగిరి మండల పోలీసులు అరెస్టు చేశారు ఈ సందర్భంగా హోంగార్డు బుక్య సోమ్లా నాయక్ మాట్లాడుతూ తమ సంక్షేమం గురించి, జీతభత్యాల గురించి పట్టించుకోవడంలేదని ఆవేదన వ్యక్తంచేశారు. ప్రతిపక్షంలో హోంగార్డులను ఊరించిన కాంగ్రెస్‌ నేతలు.. అధికారంలోకి వచ్చాక వినతిపత్రాలు తీసుకునేందుకూ ముఖం చాటేస్తున్నారని ఆరోపించారు. ఇతర ఉద్యోగ సంఘాలతో పాటు హోంగార్డులను కూడా ముఖ్యమంత్రి రేవంత్‌రెడ్డి చర్చలకు పిలిచి సమస్యలు పరిష్కరించాలని కోరారు.