అల్లా దీవెనలతో అంతా మంచి జరగాలి 

సూర్యాపేట ప్రతినిధి :- ముస్లింల పవిత్ర పండుగ రంజాన్‌ను పురస్కరించుకుని మాజీ మంత్రి, సర్యాపేట శాసన సభ్యులు గుంటకండ్ల జగదీష్ రెడ్డి  ముస్లిం సోదరసోదరీమణులకు శుభాకాంక్షలు (ఈద్‌ ముబారక్‌) తెలియజేశారు. మనిషిలోని చెడు భావనల్ని, అధర్మాన్ని, ద్వేషాన్ని రూపుమాపే గొప్ప పండుగ రంజాన్‌ అని పేర్కొన్నారాయన.

మానవాళికి హితాన్ని బోధించే రంజాన్‌ పండుగ. సామరస్యానికి, సుహృద్భావానికి, సర్వమానవ సమత్వానికి, కరుణకు, దాతృత్వానికి ప్రతీక అని  అన్నారు. కఠోర ఉపవాస దీక్షలతో క్రమశిక్షణ, దానధర్మాలతో దాతృత్వం, సామూహిక ప్రార్థనలతో ధార్మిక చింతన, ఐకమత్యం.. ఈ పండుగ మానవాళికి ఇచ్చే సందేశమని జగదీష్ రెడ్డి పేర్కొన్నారు.పవిత్ర దివ్య ఖురాన్‌ అవతరించిన ఈ మాసంలో కఠిన ఉపవాస దీక్షలకు రంజాన్‌ ఒక ముగింపు వేడుక అని  పేర్కొన్నారు.  ముస్లిం సోదరులు చేసే ప్రార్థనలు సఫలం కావాలని, అల్లాహ్‌ దీవెనలతో  ప్రజలకు అంతా మంచి జరగాలని ఆయన ఆకాంక్షించారు.