సంపూర్ణ జీవితానికి రెండు చుక్కలు చిన్నారులకు పోలియో. 

జోగులాంబ గద్వాల 3 మార్చి 2024 తెలంగాణ వార్తా ప్రతినిధి:- ఎర్రవల్లి. మండల కేంద్రం లోని బీచుపల్లి గ్రామంలో ఆదివారం చిన్నారులకు మూడు రోజుల పల్స్ పోలియో చుక్కల పంపిణీ కార్యక్రమంలో భాగంగా ఏఎన్ఎం కృష్ణవేణి ఆధ్వర్యంలో ఇటిక్యాల మండల డాక్టర్ల బృందం అధ్యక్షతన   చిన్నారులకు పోలియో చుక్కలు వేశారు.ఈ సందర్భంగా ఆయన మాట్లాడుతూ.ప్రతి తల్లిదండ్రులు వారి 5సంవత్సరాల లోపు చిన్నారులకు తప్పనిసరిగా పోలియో చుక్కలు వేయించాలన్నారు.పోలియో చుక్కల ద్వారా చిన్నారులకు అంగవైకల్యం , ఇతరత్రా కారణాల వల్ల వచ్చే జబ్బులు కూడా రాకుండా అడ్డుపడుతుందని అన్నారు. అంగవైకల్య నిర్మూలనకై ప్రతి ఒక్కరూ కృషి చేయాలని అన్నారు.ఆరోగ్య తెలంగాణ కై ప్రతి ఒక్కరూ వైద్యుల సలహాలు సూచనలు పాటిస్తూ..ప్రతి ఒక్కరు ఆరోగ్యాన్ని కాపాడుకోవాల్సిన అవసరం ఎంతైనా ఉందన్నారు.ఈ కార్యక్రమంలో డాక్టర్ ఇర్షాద్, డాక్టర్ విష్ణు, డాక్టర్ సుమిత్ రెడ్డి, ఎస్ యు ఓ శివన్న శేఖర్ హెచ్ ఈ ఓ వెంకటేష్, అంగన్ వాడి టీచర్ రాణి ఆశవర్కర్ బీసమ్మ తదితరులు పాల్గొన్నారు.