వేములవాడ శ్రీ రాజరాజేశ్వర స్వామి ఆలయ అర్చకులు

 ముఖ్యమంత్రి ఎ.రేవంత్ రెడ్డి గారికి ఆశీర్వచనం అందించారు. ఆలయ అభివృద్ధి పనుల కోసం రూ. 50 కోట్లు కేటాయించినందుకు విప్ ఆది శ్రీనివాస్ గారు, ఆలయ అర్చకులు, అధికారులు డాక్టర్ బీఆర్ అంబేద్కర్ రాష్ట్ర సచివాలయంలో ముఖ్యమంత్రి గారిని కలిసి కృతజ్ఞతలు తెలియజేశారు.

ఈ సందర్భంగా రాజన్న ఆలయ విస్తరణ ప్రణాళికలు, నమూనాపై శృంగేరి పీఠం అనుమతి తీసుకోవలసి ఉందని వివరించగా, వెంటనే  అనుమతి తీసుకుని అందుకు సంబంధించిన పనులను చేపట్టాల్సిందిగా ముఖ్యమంత్రి గారు చెప్పారు. సీఎంను కలిసినవారిలో వేములవాడ రాజన్న ఆలయ ఈవో వినోద్ గారు, స్థపతి వల్లినాయగం గారు, ఈఈ రాజేష్ గారు, డీఈఈ రఘునందన్ గారు, ఆలయ ప్రధాన అర్చకులు ఉమేష్ శర్మ గారు, ఇతర ముఖ్యులు ఉన్నారు.