రావి చెట్టు ఆదాయం ఎంతో తెలుసా సుమారు ఏడాదికి కోటి మూడు లక్షలు

ఏపీ తెలంగాణ వార్త ప్రతినిధి:-ఒక చెట్టు నుంచి మహా అయితే ఎంత ఆదాయం వస్తుంది! అది ఏ రకమైనా.. పండ్లు, పూలు లేదా ఆయుర్వేద ఔషధ రూపంలో వందల నుంచి వేల రూపాయల్లో ఉండొచ్చు. అయితే కాకినాడ జిల్లా అన్నవరంలోని సత్యనారాయణ స్వామి ఆలయంలో తూర్పు రాజగోపురం ఎదురుగా ఉన్న రావిచెట్టు వలన ఏడాదికి రూ.కోటికి పైగా ఆదాయం వస్తుందంటే మీరు నమ్మగలరా? కానీ ఇది నిజం! ఈ రావి చెట్టు వద్ద దీపాలు వెలిగిస్తే కోర్కెలు తప్పక నెరవేరుతాయని భక్తుల విశ్వాసం. అందువల్ల దేవస్థానం ఈ చెట్టు వద్ద ఆవు నెయ్యి దీపాలు విక్రయించేందుకు ప్రతి ఏటా బహిరంగ వేలం నిర్వహిస్తూ వస్తోంది. గతేడాది ప్రతినెలా రూ.7,51,599 చొప్పున చెల్లించేలా కాంట్రాక్టరు హెచ్చుపాటకు దక్కించుకున్నారు. ఈ ఏడాది కార్తీక మాసం ప్రారంభానికి ముందు 10శాతం అదనంతో నెలకు రూ.8,26,758 చెల్లించేంలా హెచ్చుపాట వెళ్లింది. ఈ లెక్కన ఈ ఏడాదికి రూ.99,21,096 ఆదాయం వస్తుంది. దీంతోపాటు అక్కడి ప్రత్యేక హుండీ ద్వారా ఏటా రూ.4 లక్షల వరకు వస్తాయి. వెరసి ఈ రావిచెట్టు ద్వారా మొత్తం రూ.1.03 కోట్ల వరకు సత్యదేవుడి ఖజానాకు జమ కానుంది.