పూసల సంఘం ఆధ్వర్యంలో ఘనంగా సన్మానం
తిరుమలగిరి 22 ఏప్రిల్ 2024 తెలంగాణ వార్త రిపోర్టర్
మహాత్మ జ్యోతిరావు పూలే జయంతి పురస్కరించుకొని మహాత్మ జ్యోతిరావు పూలే రాష్ట్ర అవార్డును అందుకున్న పూసల సంఘం రాష్ట్ర అధ్యక్షులు కోల శ్రీనివాస్, రాష్ట్ర అధికార ప్రతినిధి పసుపులేటి కరుణాకర్ లను ఆదివారం హైదరాబాదులోని ఎల్బీనగర్ లో తెలంగాణ రాష్ట్ర పూసల సంఘం ఆధ్వర్యంలో ఘనంగా సన్మానించారు. ఈ సందర్భంగా పూసల సంఘం రాష్ట్ర వర్కింగ్ ప్రెసిడెంట్ గుండ్లపల్లి సత్యనారాయణ, రాష్ట్ర ప్రధాన కార్యదర్శి శేని వెంకటేశ్వర్లు మాట్లాడుతూ గత 30 సంవత్సరాల నుండి బిసి కుల సమస్యలతో పాటు పూసల కులస్తుల సమస్యల పరిష్కారం కోసం చేస్తున్న కృషిని గుర్తించి తెలంగాణ రాష్ట్ర ప్రభుత్వం మహాత్మ జ్యోతి రావు పూలే రాష్ట్ర అవార్డును అందించడం అభినందనీయమని అన్నారు. సంచార బిడ్డలను అవార్డుకు ఎంపిక చేసినందుకు ప్రభుత్వానికి వారు ప్రత్యేకత కృతజ్ఞతలు తెలిపారు. ఇప్పటికైనా ప్రభుత్వం ప్రత్యేకంగా గుర్తించి రాష్ట్రంలో ఎంబీసీ జాబితాలో చేర్చి కేంద్రంలో డిఎన్టి జాబితాలో చేర్చుటకు ప్రత్యేక చొరవ తీసుకోవాలని వారు కోరారు. ఈ కార్యక్రమంలో తెలంగాణ రాష్ట్ర పూసల సంఘం రాష్ట్ర ఉపాధ్యక్షులు పసుపులేటి అజయ్ కుమార్, రాష్ట్ర కార్యదర్శి పసుపులేటి ప్రసాద్, రంగారెడ్డి జిల్లా వర్కింగ్ ప్రెసిడెంట్ నూతన గంటి పురుషోత్తం తదితరులు పాల్గొన్నారు.
