*టీపీసీసీ సోషల్ మీడియా జిల్లా కోఆర్డినేటర్ గా రామడుగు నవీన్*

తుంగతుర్తి మార్చి 12 తెలంగాణ వార్త ప్రతినిధి 

టీపీసీసీ సోషల్ మీడియా సూర్యాపేట జిల్లా కోఆర్డినేటర్ గా రామడుగు నవీన్ నియామకం అయ్యారు. ఈ మేరకు టీపీసీసీ స్టేట్ సోషల్ మీడియా కోఆర్డినేటర్ పెట్టెం నవీన్ మంగళవారం అధికారికంగా నియామక పత్రాన్ని విడుదల చేశారు.

సూర్యాపేట జిల్లా తుంగతుర్తి మండలం వెలుగుపల్లి గ్రామానికి చెందిన రామడుగు నవీన్ గత దశాబ్ద కాలంగా సూర్యాపేట జిల్లాలో కాంగ్రెస్ పార్టీకి క్రియాశీలకంగా సేవలందిస్తున్నారు, ప్రస్తుతం ఆయన తుంగతుర్తి నియోజకవర్గ కాంగ్రెస్ పార్టీ సోషల్ మీడియా కోఆర్డినేటర్ గా ఉన్నారు.

తన నియామకానికి సహకరించిన టీపీసీసీ స్టేట్ సోషల్ మీడియా కోఆర్డినేటర్ పెట్టెం నవీన్ కు, అలాగే మాజీ మంత్రి రాంరెడ్డి దామోధర్ రెడ్డి గారికి,తుంగతుర్తి ఎమ్మెల్యే మందుల శామెలు గారికి జిల్లా కాంగ్రెస్ పార్టీ అధ్యక్షుడు చెవిటి వెంకన్న యాదవ్ గారికి టిపిసిసి సభ్యులు గుడిపాటి నర్సయ్య గారికి మరియు ఇతర కాంగ్రెస్ పెద్దలకు ధన్యవాదాలు తెలిపారు.

అదే విధంగా జిల్లా మంత్రి వర్యులు ఉత్తమ్ కుమార్ రెడ్డి గారి మరియు కోదాడ ఎమ్మెల్యే పద్మావతి గారి ఆశీస్సుల సహాయ సహకారాలతో తనపై టీపీసీసీ ఉంచిన బాధ్యతను నెరవేరుస్తానని, కాంగ్రెస్ పార్టీ సోషల్ మీడియా వేదికగా మరింత మెరుగైన సేవలు అందిస్తానని అన్నారు.