అమ్మ భరోసా కింద నాణ్యమైన వైద్యం

 అడ్డగూడూరు 25 అక్టోబర్ 2025 తెలంగాణవార్త రిపోర్టర్:–  యాదాద్రి భువనగిరి జిల్లా అడ్డగూడూరు మండల పరిధిలోని కోటమర్తి గ్రామంలో అమ్మ భరోసా కార్యక్రమం నిర్వహించారు.అమ్మకు భరోసా కార్యక్రమంలో భాగంగా మండల వైద్య అధికారి బి.భార్గవి ఆదేశాల మేరకు కోటమర్తి గ్రామానికి చెందిన గర్భిణి స్త్రీ ఇంటికి వెళ్లి ఏ ఖర్చు లేకుండా తనని ప్రభుత్వ ఆసుపత్రిలో కాన్పు చేయించుకోవాలని అవగాహన కల్పించారు.అనంతరం గర్భిణీ స్త్రీ కి పల్లిపట్టి,స్వీట్లు అందించి మంచి పౌష్టి ఆహారం తీసుకోవాలని సూచించారు. తల్లి బిడ్డ ఆరోగ్యంగా ఉండాలని కోరుకున్నారు.ఈ కార్యక్రమంలో డిప్యూటీ తాసిల్దారు నరసింహచారితో పాటు శారద,సరోజన, సంబంధిత ఏఎన్ఎంలు ఆశా వర్కర్లు తదితరులు పాల్గొన్నారు.