ఆదిశిల క్షేత్రంలో వైభవముగా పూజలు.

జోగులాంబ గద్వాల 27 ఏప్రిల్ 2024 తెలంగాణ వార్తా ప్రతినిధి:- మల్దకల్. నడిగడ్డ భక్తుల ఇలవేల్పు ఆదిశిలా క్షేత్ర మల్దకల్ శ్రీ స్వయంభు లక్ష్మీ వెంకటేశ్వర స్వామి దేవాలయంలో శనివారం సందర్భంగా భక్తులు అధిక సంఖ్యలో పాల్గొని స్వామి వారికి మొక్కులు సమర్పించుకున్నారు. దేవాలయంలో ఉదయం అభిషేకాలు, అర్చనలు, అలంకార సేవ, నివేదన, మంగళహారతి నిర్వహించారు. దేవాలయానికి వచ్చిన భక్తులకు మల్దకల్ గ్రామానికి చెందిన కుమ్మరి మల్దకంటయ్య జ్ఞాపకార్థం ఆయన కుమారుడు కుమ్మరి నరసింహులు అన్నదానం ఏర్పాటు చేయగా దేవాలయ చైర్మన్ ప్రహల్లాద రావు అర్చకులు రవి పూజలు నిర్వహించి ప్రారంభించారు.