బీసీ ఫెడరేషన్ కులాల సమితి తుంగతుర్తి నియోజకవర్గం అధ్యక్షుడిగా కొత్తపల్లి ఉపేందర్

తిరుమలగిరి 5 ఫిబ్రవరి 2024 తెలంగాణ వార్త రిపోర్టర్:- సూర్యాపేట జిల్లా తిరుమలగిరి మున్సిపాలిటీ కేంద్రానికి చెందిన కొత్తపల్లి ఉపేందర్ ను సూర్యాపేట జిల్లా తుంగతుర్తి నియోజకవర్గం అధ్యక్షునిగా ఎన్నికైనట్లు తెలంగాణ బీసీ ఫెడరేషన్ కులాల సమితి రాష్ట్ర కోశాధికారి పసుపులేటి కరుణాకర్ తెలిపారు. సోమవారం హైదరాబాదులో జరిగిన ఆ సంఘం రాష్ట్ర కార్యవర్గ సమావేశంలో ఎన్నిక జరిగినట్లు ఆయన తెలిపారు. ఈ సందర్భంగా నూతనంగా ఎన్నికైన కొత్తపల్లి ఉపేందర్  మాట్లాడుతూ.. రాష్ట్రంలోని బీసీ ఫెడరేషన్ కులాల అభివృద్ధి కోసం నిరంతరం పోరాడుతానని తెలిపారు. నాటి బిఆర్ఎస్ ప్రభుత్వం బీసీలను పట్టించుకోలేదని ఆవేదన వ్యక్తం చేశారు. నేడు కాంగ్రెస్ ప్రభుత్వం బీసీలు అభివృద్ధి ధ్యేయంగా ముందుకు సాగుతుందని దానిలో భాగంగానే బీసీ కులా గణన చేపట్టడం హర్షించదగ్గ విషయమని ఆయన అన్నారు.  బీసీ సమస్యలపై పోరాటం చేస్తానని, తన దృష్టికి వచ్చిన ప్రతి విషయాన్ని సాధ్యమైనంత వరకు బీసీలకు న్యాయం జరిగేలా చూస్తానని, తనను తుంగతుర్తి నియోజకవర్గం అధ్యక్షునిగా నియమించినందుకు రాష్ట్ర అధ్యక్షులు బెల్లపు దుర్గారావు, ప్రధాన కార్యదర్శి కీర్తి యుగేందర్, కోశాధికారి పసుపులేటి కరుణాకర్, సూర్యాపేట జిల్లా అధ్యక్షుడు నవీన్ కుమార్ రాష్ట్ర నాయకులకు, జిల్లా నాయకులకు ప్రతి ఒక్కరికి పేరుపేరునా కృతజ్ఞతలు తెలుపుతున్నట్టు  ఆయన తెలిపారు.