నెత్తుటి మాత్రల సామ్రాజ్యాన్ని బూడిద చేద్దాం! - యువతరం మేల్కొనాలి! నకిలీ శృంగార మాఫియాపై కామ్రేడ్ జై బోరన్న సమర భేరి

తెలంగాణ వార్త "నెత్తుటి మాత్రల సామ్రాజ్యాన్ని బూడిద చేద్దాం! - యువతరం మేల్కొనాలి! నకిలీ శృంగార మాఫియాపై కామ్రేడ్ జై బోరన్న సమర భేరి!"* --- *ప్రజా బంధువు* *కమ్యూనిస్టు పార్టీ సిపిఐ ఎంఎల్ కార్యదర్శి* *న్యూ ఇండియా ఫ్రీడమ్ ఫైటర్* *పీపుల్స్ సొసైటీ అధ్యక్షులు* *కామ్రేడ్ జై బోరన్న గారి క్రాంతి త్రినేత్రుడు* *నేతాజీ సుభాష్ చంద్రబోస్ రెడ్ సన్ లెనిన్ రాజ్* *బహిరంగ లేఖ* *ఫోన్ నెంబర్: 828277285* *ఓ యువ కిశోరాల్లారా, ఓ శ్రామిక సోదర సోదరీమణులారా, ఓ కార్మిక కర్షక విద్యార్థి మేధావులారా!* *విషయం:* నకిలీ శృంగార ఉద్దీపన మాత్రల విష వలయాన్ని, దాని వెనుక ఉన్న కార్పొరేట్-పాలక వర్గ కుట్రను బద్దలు కొట్టి, భారత యువతను, మానవ సమాజాన్ని విముక్తం చేయుటకై విప్లవాత్మక యువజన పోరాటానికి పిలుపు. ఇది లేఖ కాదు. ఇది యువత రక్తంలో అగ్నికణాలు రగిలించే సమర నినాదం. ఇది నెత్తుటి అక్షరాలతో, ఉక్కు సంకల్పంతో రాసిన చారిత్రక ఆరోపణా పత్రం. *యువతరమా, మేలుకో!* నీ శారీరక బలహీనతలనే పెట్టుబడిగా మార్చుకుని, నకిలీ శృంగార మాత్రల మాఫియా ఆన్‌లైన్ వేదికగా విష వాయువులా విస్తరిస్తోంది. ఇది నీ వ్యక్తిగత ఆరోగ్య సమస్య కాదు. ఇది పెట్టుబడిదారీ వ్యవస్థ నీ యవ్వనంపై చేస్తున్న రసాయనిక దాడి. ఇది కార్పొరేట్ ఆసుపత్రుల ఖజానా నింపే రక్తపు వ్యాపారం. నీ వీర్యాన్ని, నీ శక్తిని, నీ భవిష్యత్తును మార్కెట్ సరుకు చేస్తున్నారు. *ప్రభుత్వాలారా, ఖబడ్దార్! యువత తిరగబడితే మీ సింహాసనాలు కూలిపోతాయి!* రాష్ట్ర ప్రభుత్వాల డ్రగ్ కంట్రోల్ శాఖలు నిద్ర వదలాలి. ప్రత్యేక టాస్క్‌ఫోర్స్‌తో ఉక్కుపాదం మోపాలి. నకిలీ శృంగార మాత్రలు ఉత్పత్తి చేసే చీకటి కర్మాగారాలను యువ సైన్యంతో నేలమట్టం చేయాలి. వాటిని మార్కెట్ చేసే దళారీలను, యూట్యూబ్‌లో చిలకపలుకులు పలికే ప్రచార సారథులను ఎక్కడికక్కడ సంకెళ్లు వేసి, ప్రజా న్యాయస్థానంలో నిలబెట్టాలి. విష రసాయనాలతో నిండిన ఈ నకిలీ మాత్రలను కళాశాలల కూడళ్లలో, యువత కళ్లెదుటే దహనం చేయాలి. ఇది మానవతావాదిగా కాదు, యువత పక్షాన నిలిచిన విప్లవకారుడిగా నా హెచ్చరిక. *డిజిటల్ వ్యభిచారం - యువత మెదళ్లపై విషపు దాడి* నేడు యూట్యూబ్, ఫేస్‌బుక్, ఇన్‌స్టాగ్రామ్ నిండా "స్త్రీతో సంభోగ సమయంలో గంటల తరబడి రేసుగుర్రంలా పరుగులు తీయిస్తాం" అంటూ విష ప్రచారం వెల్లువెత్తుతోంది. ఆ మాత్రల్లో కలిపే సైనైడ్ లాంటి విష రసాయనాల గురించి తెలియని అమాయక యువకులు, కష్టార్జితం 5000 రూపాయలు పెట్టి కొని మింగుతున్నారు. ఫలితం? 20 ఏళ్ల కుర్రాడు పక్షవాతంతో మంచాన పడుతున్నాడు. 25 ఏళ్ల యువకుడు గుండెపోటుతో శవమై లేస్తున్నాడు. ఇది హత్య. ఇది భారత యువశక్తిపై జరుగుతున్న ప్రణాళికాబద్ధమైన సామూహిక హత్యాకాండ. ఈ నెత్తుటి మరకలు పాలకుల చేతులపైనే ఉన్నాయి. *పాలకుల పాపం - యువత శాపం* ప్రభుత్వాలు ఖజానా నింపుకోవడం కోసం నకిలీ చీప్ లిక్కర్‌ను ఏరులై పారిస్తున్నాయి. ఆ విషపు చుక్కలు తాగి, కైపు కోసం కాలుతున్న యువత నరాల వ్యవస్థ ఛిద్రమై, సహజ శృంగార జీవితానికి పనికిరాకుండా పోతున్నారు. లక్షలాది మంది యువకులను నపుంసకులుగా మార్చిన ఘన చరిత్ర ఈ దేశాన్ని ఏలిన, ఏలుతున్న దోపిడీ పాలకులది. "ప్రజలు తాగాలి, ఊగాలి, ఆరోగ్యాలు పోగొట్టుకోవాలి, ప్రభుత్వానికి ఆదాయం సమకూర్చాలి" ఇదే నేటి మనువాద, పెట్టుబడిదారీ పాలనా సూత్రం. తాగుబోతుల ఆరోగ్యం దెబ్బతింటే కార్పొరేట్ ఆసుపత్రులకు తాకట్టు పెట్టి, "ఆరోగ్యశ్రీ కార్డు ఇస్తాం" అంటూ దగా చేస్తున్నారు. *"అమ్మ ఒడి - నాయనకు బ్రాందీ బుడ్డి"* ఇదెక్కడి సంక్షేమం? ఇది సంక్షేమం కాదు, యువత సంహార పథకం. మీ చావు పథకాలు మాకొద్దు. యువతకు ఉద్యోగాలు ఇవ్వమంటే, మద్యం బుడ్లు ఇస్తున్నారు. ప్రజలకు తాగడానికి సురక్షిత మంచినీళ్లు ఇవ్వలేని చేతగాని ప్రభుత్వాలు, మద్యం తాగమని ఉచిత సలహాలిస్తున్నాయి. ఇది సిగ్గుచేటు కాదు, యువతపై యుద్ధం. నకిలీ చీప్ లిక్కర్ తాగి నరాల వ్యవస్థను ధ్వంసం చేసుకుని, భవిష్యత్తులో భార్యతో శృంగార జీవితానికి దూరమయ్యే పరిస్థితిని ఈ రాక్షస రాజకీయ నాయకులే కల్పిస్తున్నారు. ఆ వైఫల్యం నుండే ఈ నకిలీ శృంగార మందుల మాఫియా పుట్టుకొచ్చింది. ఇది ఫార్మా కంపెనీలు, పాలకులు కలిసి ఆడుతున్న రక్త దాహపు నాటకం. *యువత మేల్కొనకపోతే పిచ్చుకలే గతి!* ఒకప్పుడు "కంఠం కింద నలుపు ఉన్న ఊర పిచ్చుకను తింటే 70 ఏళ్ల ముసలివాడు కూడా రేసుగుర్రం అవుతాడు" అనే మూఢ ప్రచారంతో పిచ్చుక జాతినే నిర్మూలించారు. నేడు గ్రామాల్లో పిచ్చుక కూత వినపడదు. రేపు నకిలీ మాత్రలతో యువత జాతినే నిర్మూలిస్తారు. సహజ సిద్ధంగా స్త్రీ స్పర్శ తగిలితేనే శృంగార కోరిక కలగాలి. అది మల్లెపూల సువాసనలా, తొలకరి చినుకులా సహజంగా వికసించాలి. అంతేగానీ పిచ్చుక లేహ్యం, మద్యం, గంజాయి, డ్రగ్స్, వయాగ్రా అవసరం లేదు. ఇవి యువతను మృగాలుగా, యంత్రాలుగా మార్చే విష రసాయనాలు. *అశ్లీల మార్కెటింగ్ - యువత బుర్రలపై దాడి* శృంగార మాత్రలను అమ్మడానికి అందమైన యాంకర్లను, పైల్వాన్‌లాంటి యువతులను యూట్యూబ్‌లో ప్రవేశపెట్టి చిలక పలుకులు పలికిస్తున్నారు. "మీ భార్యను తృప్తిపరచలేకపోతున్నారా? తొందరగా వీర్యం కారిపోతుందా? అయితే మా మందులు వాడండి. శాంపిల్ కోసం వ్యభిచారిణిని కూడా ఏర్పాటు చేస్తాం" అంటూ బహిరంగంగా స్త్రీ శరీరాన్ని, యువత ఆత్మగౌరవాన్ని వేలం వేస్తున్నారు. ఇది స్త్రీ జాతికే కాదు, యువతకే అవమానం. ఇది మానవ విలువలపై, భారతీయ సంస్కృతిపై జరుగుతున్న ఫాసిస్టు దాడి. ఈ నకిలీ మందులు వాడితే రోగాలు గ్యారెంటీ. సెక్సాలజిస్టుల ఆదాయం, కార్పొరేట్ ఆసుపత్రుల లాభాలు గ్యారెంటీ. అంతిమంగా నీ లైంగిక జీవితం, నీ వైవాహిక జీవితం, నీ భవిష్యత్తు గోవిందా. *అసలు సమస్య వేరు - విప్లవమే పరిష్కారం* యువత శృంగార జీవితం సవ్యంగా లేకపోవడానికి కారణం శారీరక బలహీనత కాదు. అది ఈ దోపిడీ వ్యవస్థ సృష్టించిన నిరుద్యోగం, మానసిక ఒత్తిడి, అప్పులు, అధిక వడ్డీలు, పిల్లల భవిష్యత్తుపై బెంగ. కళ్ల ముందు కనబడే దారిద్ర్యాన్ని, నిరుద్యోగాన్ని జయించడం ఎలా అనే ఆలోచనతో సతమతమయ్యే యువకుడు శృంగారానికి ప్రాధాన్యత ఇవ్వలేడు. పెళ్లీడుకొచ్చిన చెల్లెళ్లు, ఊహ తెలిసిన తమ్ముళ్లు ఇంట్లో ఉండగా భార్యాభర్తలు పశువుల్లా ప్రవర్తించలేరు. కానీ టీవీల్లో, యూట్యూబ్‌లో వచ్చే నకిలీ శృంగార ప్రకటనలు ఎదగని పిల్లల మనసులపై, యువత మెదళ్లపై విషం చిమ్ముతున్నాయి. ఇది భావి తరాలపై జరుగుతున్న సాంస్కృతిక యుద్ధం. *కామ్రేడ్ జై బోరన్న పిలుపు - యువ చైతన్యానికి మలుపు* యువతరమా! ప్రతి అక్షరం ఒక తూటా కావాలి. ప్రతి పదం ప్రజా చైతన్యానికి నిప్పు రాజేయాలి. ఇటువంటి శృంగార ఉద్దీపన మాత్రల వ్యాపారం చేసే వారందరినీ ఎక్కడికక్కడ అరెస్టు చేయాలి. వారి గలీజ్ దందా మూతపడే వరకు, వారి ఫ్యాక్టరీలు కూలిపోయే వరకు పోరాడాలి. లేకుంటే యువతే ప్రజా కోర్టు తీర్పు చెప్పాలి. యువతే ప్రజా పోలీసులై, ప్రజా సైన్యమై ఈ నీచులను పట్టుకొని చట్టానికి, ప్రజలకు అప్పగించాలి. ప్రతి విద్యార్థి, ప్రతి యువకుడు ప్రజా సైనికుడిగా మారి, భారతీయుడిగా తన విప్లవ బాధ్యత చాటుకోవాలి. *బాధిత యువతారా, ఎర్రజెండా కింద ఏకం కండి!* మార్కెట్లో దొరికే శృంగార ప్రేరేపక మందులు వాడి ఆరోగ్యాలు పోగొట్టుకున్నవారు, ఆత్మగౌరవం కోల్పోయినవారు వెంటనే ముందుకు రండి. నకిలీ శృంగార మందుల ఉత్పత్తిదారులపై, వారిని వెనకేసుకొస్తున్న పాలకులపై లీగల్ యుద్ధం చేద్దాం. వినియోగదారుల ఫోరంను, ప్రజా న్యాయస్థానాన్ని ఆశ్రయిద్దాం. నష్టపరిహారాలు సాధిద్దాం. ఇది కేవలం నష్టపరిహారం కోసం పోరాటం కాదు. ఇది మన యవ్వనాన్ని, మన ఆత్మగౌరవాన్ని, మన భవిష్యత్తును కాపాడుకునే విప్లవ పోరాటం. *న్యాయ సలహా, విప్లవ సహాయం కోసం సంప్రదించండి:* *కామ్రేడ్ ఆర్. కరుణాకర్* హైకోర్టు న్యాయవాది ప్రశ్నించే గొంతుక కన్వీనర్, నకిలీ ఆయుర్వేద శృంగార మందుల ఉత్పత్తి కంపెనీల వ్యతిరేక పోరాట కమిటీ *సెల్: 96 76 56 98 41* --- *ఇది ముగింపు కాదు, యువ విప్లవానికి ఆరంభం.* ఈ పోరాటం ఒక్కరిది కాదు. ఇది కోట్లాది యువతది, కోట్లాది శ్రామిక ప్రజానీకానిది. మల్లెపూల సువాసనలాంటి స్వచ్ఛమైన దాంపత్య జీవితం కోసం, దోపిడీ లేని, నిరుద్యోగం లేని నవ సమాజం కోసం, విప్లవ చైతన్యంతో ప్రతి యువ గుండె నినదించాలి. యువ ఉద్యమం పరవళ్లు తొక్కాలి. నకిలీ మాఫియా నాశనమయ్యే వరకు, దాని వెనుక ఉన్న పాలక వర్గం, కార్పొరేట్ శక్తులు కూలిపోయే వరకు ఈ పోరు ఆగదు. *యువత మేలుకో - మాఫియాను కూల్చివేద్దాం!* *ఇంక్విలాబ్ జిందాబాద్!* *యువజన పోరాటం వర్ధిల్లాలి!* *ప్రజా విప్లవం వర్ధిల్లాలి!* *ఇట్లు,* *మీ ప్రజా బంధువు, యువత సారథి,* *కామ్రేడ్ జై బోరన్న గారి క్రాంతి త్రినేత్రుడు* *నేతాజీ సుభాష్ చంద్రబోస్ రెడ్ సన్ లెనిన్ రాజ్* *కమ్యూనిస్టు పార్టీ సిపిఐ ఎంఎల్ కార్యదర్శి* *న్యూ ఇండియా ఫ్రీడమ్ ఫైటర్* *పీపుల్స్ సొసైటీ అధ్యక్షులు*