ప్రశాంతంగా టీఎస్ ఎస్సి స్టడీ సర్కిల్ ప్రవేశ పరీక్ష

సూర్యాపేట జిల్లా కేంద్రంలోని టీఎస్ ఎస్సి స్టడీ సర్కిల్లో వివిధ పోటీ పరీక్షలకు ఉచిత శిక్షణ,  వసతి పొందడానికి ఆదివారం స్థానిక ఎస్వీ డిగ్రీ కళాశాలలో నిర్వహించిన ప్రవేశ పరీక్ష ప్రశాంతంగా జరిగింది. టీఎస్ ఎస్సి స్టడీ సర్కిల్లో ప్రవేశ పరీక్ష కోసం జిల్లా వ్యాప్తంగా 380 మంది విద్యార్థులు దరఖాస్తు చేసుకోగా 277మంది పరీక్షకు హాజరుకాగా 113 మంది గైర్హాజర్ అయినట్లు ఎస్సి స్టడీ సర్కిల్ డైరెక్టర్ చిట్టిపాక రాములు తెలిపారు. ఈ ప్రవేశ పరీక్షలో మార్కుల ద్వారా వంద మంది అభ్యర్థులను,  డిగ్రీ మార్కుల ఆధారంగా మరో వంద మంది అభ్యర్థులకు స్టడీ సెంటర్లో ప్రవేశం కల్పించనున్నట్లు తెలిపారు. ప్రవేశం పొందిన అభ్యర్థులకు గ్రూప్ ఉద్యోగాలతో పాటు ప్రభుత్వ ఉద్యోగాలకు కావలసిన శిక్షణ వసతి కల్పించనున్నట్లు వివరించారు. అనంతరం డిఎస్ డబ్ల్యుఓ కె.లత పరీక్ష కేంద్రాన్ని పరీక్ష జరుగుతున్న తీరును పరిశీలించారు. వారి వెంట ఎస్ వి డిగ్రీ కళాశాల ప్రిన్సిపల్ బి వెంకటేశులు తదితరులు ఉన్నారు.