ప్రతి ఒక్కరూ ఆధ్యాత్మికత కలిగి ఉండాలి

జోగులాంబ గద్వాల 15  మే  2024 తెలంగాణవార్త ప్రతినిధి:- మల్దకల్:-మానవ జీవితంలో ఆధ్యాత్మికత కలిగి ఉన్నవారే అన్నింటా విజయం సాధిస్తారని వేద పండితులు తెలిపారు. ఆదిశిలా క్షేత్రం మల్దకల్ శ్రీ  స్వయంభూ లక్ష్మీ వెంకటేశ్వర స్వామి దేవాలయం ఆవరణలో గల శ్రీ శేషదాసుల సన్నిధానం, బృందావనం కట్ట దగ్గర శ్రీశేష దాసుల మధ్య ఆరాధన కార్యక్రమాలు నిర్వహించారు. ఉదయం శ్రీ పవమాన హోమం వేదమంత్రాలతో నిర్వహించారు.

 అనంతరం శేషదాసుల ఉత్సవ విగ్రహంతో రథోత్సవాన్ని దేవాలయం నుండి కట్ట వరకు భక్తుల భజన కోలాటాల మధ్య నిర్వహించారు. ఈ సందర్భంగా పండితుల ప్రవచనాలతో భక్తులు భక్తితో పరవశించిపోయారు. అనంతరం సాయంత్రం దాసవాణి కార్యక్రమం నిర్వహించారు. ఈ సందర్భంగా ఆదిశిలా క్షేత్ర మహత్యం, శ్రీ శేష దాసుల చరిత్రను గురించి వివరించారు. ఈ కార్యక్రమంలో శేషదాస సేవా ట్రస్ట్ దీరేంద్ర దాస్, శేషగిరిరావు, రాఘవేంద్రదాస్, విష్ణు, దేవాలయ చైర్మన్ పట్వారి ప్రహ్లాద రావు, భీమసేన చారి, అరవింద రావు, మోహన్ రావు,గట్టు శ్రీధర్ రావు, చంద్రశేఖర రావు నాగరాజు శర్మ పలు ప్రాంతాల భక్తులు హాజరయ్యారు.