కుటుంబ సభ్యుల ఒడిలోకి చేరిన శంకరయ్య

26-11-2025 తెలంగాణ వార్త ప్రతినిధి చిన్నంబావి మండలం : పెద్ద మారూర్ గ్రామంలో మతిస్థిమితం లేని వ్యక్తి శంకరయ్య గుర్తింపు – కుటుంబ సభ్యుల ఆనందం. చిన్నంబావి మండలం చౌరస్తాలో గత కొన్ని సంవత్సరాలుగా తిరుగుతూ కనిపిస్తున్న మతిస్థిమితం లేని వ్యక్తి శంకరయ్యను ఈరోజు కుటుంబ సభ్యులు గుర్తించి వెంట తీసుకెళ్లారు. స్థానికుల సమాచారం ప్రకారం శంకరయ్య (48) గత.ఐదు సంవత్సరాలుగా చిన్నంబావి మండలంలోని వివిధ గ్రామాల్లో తిరుగుతూ జీవనం సాగిస్తున్నాడు. గ్రామస్తులు కులమతాల తేడాలు లేకుండా తమ ఇళ్ల వద్దకు వచ్చినప్పుడు ఆయన్ను ఆదరిస్తూ, భోజనం పెట్టుతూ మానవత్వాన్ని చాటారు.ఈరోజు పెద్ద మారూర్ గ్రామంలో ఓ వివాహానికి ఫోటోగ్రాఫర్‌గా వచ్చిన రవితేజ అటుగా వెళుతూ శంకరయ్యను చూసి, “ ఇతను మా బాబాయ్‌” అని గుర్తించాడు. వెంటనే ఆయన ఈ సమాచారాన్ని శంకరయ్య కుటుంబ సభ్యులకు చేరవేశారు. సమాచారం అందుకున్న శంకరయ్య కుమారులు — దేశపాగ రఘు, రవితేజ — శంషాబాద్ మండలంలోని పెద్ద గోల్కొండ గ్రామం నుంచి పెద్దమారూర్ గ్రామానికి చేరుకున్నారు.మూడు గంటల సమయంలో గ్రామానికి వచ్చిన కుటుంబ సభ్యులు గ్రామస్తుల సమక్షంలో శంకరయ్యను తమ కుటుంబ పెద్దవారేనని గుర్తించారు. గత ఐదు సంవత్సరాలుగా అనేక పోలీస్ స్టేషన్లలో ఫిర్యాదులు చేసినప్పటికీ శంకరయ్యను గుర్తించలేకపోయామని వారు తెలిపారు.శంకరయ్యను దేవుడిలా చూసుకుంటూ, అన్నం పెట్టి ఆదరించిన పెద్ద మారూర్ గ్రామ ప్రజలకు బంధువులు శిరసు వంచి కృతజ్ఞతలు తెలిపారు. “మా బాబాయ్‌ను ఇంతకాలం ప్రేమగా చూసుకున్న ప్రతి ఒక్కరికి మా శిరస్సు వంచి పాదాభివందనాలు” అని కుటుంబ సభ్యులు భావోద్వేగంతో చెప్పారు. ఈ కార్యక్రమంలో వారి కుటుంబ సభ్యులు దేశపాగ రఘు రవితేజ పెద్దమరు గ్రామస్తులు పసుల పెద్ద రంగస్వామి ఎస్ శ్రీనివాసులు గడ్డం మద్దిలేటి గడ్డం నరహరి కే శివకృష్ణ కొప్పునూరు మంగలి నటరాజ్ కే రాముడు ఎం కురుమయ్య కే రాము బోల్లెద్దుల రమేష్ తదితరులు పాల్గొన్నారు