ప్రణాళికతో ఇష్టంగా చదివి ప్రభుత్వ ఉద్యోగాలు సాధించాలి.
జిల్లా అదనపు కలెక్టర్ (స్థానిక సంస్థలు) అపూర్వ చౌహాన్.
జోగులాంబ గద్వాల 29 మే 2024 తెలంగాణవార్త ప్రతినిధి:- ప్రభుత్వ ఉద్యోగాలకు సిద్ధమవుతున్న అభ్యర్థులు ప్రణాళికతో ఇష్టంగా చదివి విజయం సాధించాలని జిల్లా అదనపు కలెక్టర్ (స్థానిక సంస్థలు) అపూర్వ చౌహాన్ అన్నారు. బుధవారం ఐడిఓసి లోని తన ఛాంబర్ లో బీసీ సంక్షేమ శాఖ ఆధ్వర్యంలో గ్రూప్ - 1 ప్రిలిమ్స్ పరీక్షకు సిద్ధమవుతున్న విద్యార్థులకు ఉచితంగా స్టడీ మెటీరియల్ ను అందజేశారు.
ఈ సందర్భంగా అదనపు కలెక్టర్ మాట్లాడుతూ, జోగులాంబ గద్వాల జిల్లాలో ఇప్పటికే బీసీ స్టడీ సర్కిల్ ఆధ్వర్యంలో 60 మంది అభ్యర్థులకు గ్రూప్-1 ప్రిలిమ్స్ పరీక్షకు శిక్షణ ఇవ్వడం జరిగిందన్నారు. ఉచితంగా పంపిణీ చేసిన మెటీరియల్ లోని అంశాలను కూడా క్షుణ్ణంగా చదివి ప్రిలిమ్స్ పరీక్షను అభ్యర్థులు మంచిగా రాయాలన్నారు. ఈ కార్యక్రమంలో బీసీ సంక్షేమ శాఖ జిల్లా అధికారిని శ్వేతా ప్రియదర్శిని, స్టడీ సర్కిల్ డైరెక్టర్ ప్రవీణ్, తదితరులు పాల్గొన్నారు.
