పోలీస్ స్టేషన్ కు వచ్చే ప్రతి పిర్యాదు పై వెంటనే చర్యలు చేపట్టాలి -జిల్లా ఎస్పీ టి. శ్రీనివాస రావు

గద్వాల:- పోలీస్ స్టేషన్ కు వచ్చే ప్రతి పిర్యాదుపై త్వరితగతిన విచారణ చేపట్టి చట్ట ప్రకారం పరిష్కరించాలని, అలాగే సివిల్   వివాదాలు  పోలీస్ స్టేషన్ లలో పరిష్కరించబడవు అనే విషయాన్నీ పిర్యాదులకు  తెలియజేయాలని  జిల్లా ఎస్పీ టి.శ్రీనివాస రావు పోలీస్ అధికారులను ఆదేశించారు. సోమవారం ప్రజావాణి లో బాగంగా జిల్లా పోలీసు కార్యాలయంకు వచ్చిన 16 పిర్యాదులను జిల్లా ఎస్పీ డి .ఎస్పి సత్యనారాయణ తో కలిసి స్వీకరించారు.వారి సమస్యలను సావధానంగా విన్న జిల్లా ఎస్పీ సంబంధిత పోలీసు అధికారులతో ప్రత్యక్షంగా  మాట్లాడి బాధితుల ఫిర్యాదులను  వెంటనే విచారణ చేపట్టి చట్ట ప్రకారం పరిష్కరించాలని, సునిశితమైన అంశాలకు సంబంధించిన పిర్యాదుల విషయంలో కౌన్సిలింగ్ నిర్వహించాలని, సివిల్  వివాదాలకు సంబంధించిన ఎటువంటి ఫిర్యాదులు అయినా కోర్టు ద్వారానే పరిష్కరించుకునేటట్లు పిర్యాదు దారులకు తెలియజేయాలని  ఆదేశించారు. ఆలంపూర్, గద్వాల్ , శాంతిన గర్ సర్కిల్ అధికారులు కూడా ఈ కార్యక్రమంలో పాల్గొన్నారు.

ఈ రోజు వచ్చిన పిర్యాదుల లో 1).భూ వివాదాలకు సంబందించి 09 పిర్యాదులు,

2). అప్పుగా తీసుకున్నా డబ్బులు తిరిగి ఇవ్వడం లేదని -03 పిర్యాదులు.
03. వేసిన పంటలను నాశనం చెయ్యటం గురించి -03 పిర్యాదులు.

4. ఇతర అంశాలకు 01 సంబంధించి ఫిర్యాదు.