గూడెం గ్రామంలో జి పి ఎల్ క్రికెట్ టోర్నమెంట్ ప్రారంభం
13-04-2024 తెలంగాణ వార్త ప్రతినిధి చిన్నంబావి మండలం.
చిన్నంబాయి మండల పరిసర ప్రాంతమైన గూడెం గ్రామంలో శ్రీరామనవమి పండుగ సందర్భంగా GPLక్రికెట్ టోర్నమెంటును ప్రారంభించిన గ్రామ పెద్దలు,రాజకీయ నాయకులు.
ఈ టోర్నమెంటును చిన్నంబావి మండల కాంగ్రెస్ పార్టీ సీనియర్ నాయకుడు మందడి చిదంబరెడ్డి, మండల పార్టీ అధ్యక్షుడు శేఖర్ యాదవ్ టాస్ వేసి ఆటను ప్రారంభించారు. మండల పార్టీ సీనియర్ నాయకుడు మందడి చిదంబ రెడ్డి బ్యాట్ తో సిక్స్ కొట్టి మైదానంలో ఉన్నటువంటి క్రీడాకారులకు ఉత్సాహాన్ని నింపాడు. మండల పార్టీ అధ్యక్షుడు శేఖర్ యాదవ్ మాట్లాడుతూ ఆటలు ఆడటం వల్ల ఉల్లాసంగా ఉత్సాహంగా మరియు మానసిక ఒత్తిడిని తగ్గించడానికి,శరీర దృఢత్వానికి ఎంతగానో దోహదపడతాయని అన్నారు.
మందడి చిదంబ రెడ్డి మాట్లాడుతూ క్రీడాకారులలోని ప్రతిభను వెలికి తీసేందుకు ఇలాంటి ఆటల పోటీలను నిర్వహిస్తున్న గూడెం గ్రామ పెద్దలకు,యువకులకు ప్రత్యేక ధన్యవాదాలు. క్రికెట్ టోర్నమెంట్ ను ప్రారంభించిన గ్రామ పెద్దలకు పార్టీ నాయకులకు గ్రామ క్రికెట్ క్రీడాకారులు శాలువా తో ఘనంగా సన్మానం చేయడం జరిగింది.
ఈ కార్యక్రమంలో చిన్నంబావి కాంగ్రెస్ పార్టీ మండల అధ్యక్షులు బి.చంద్రశేఖర్ యాదవ్,మందడి చిదంబరం రెడ్డి,మండల నాయకులు గజ్జె ఈదన్న యాదవ్, గూడెం గ్రామ కాంగ్రెస్ పార్టీ నాయకులు వెంకటేశ్వరరావు, ఒంటెల సుధాకర్, కురుమయ్య, వెంకటేశ్వర ఉపసర్పంచ్ గోపాల్ గ్రామ ప్రజలు..క్రీడాకారులు తదితరులు..పాల్గొన్నారు.
