ఒక కుటుంబం ఓట్లు ఒకే వార్డులో ఉండాలి

స్థానిక సంస్థల ఎన్నికల్లో కుటుంబ సభ్యుల ఓట్లన్ని ఒకే వార్డులో ఉండాలి

 తెలంగాణ యువజన సంఘం ఆధ్వర్యంలో వినతిపత్రం అందజేత

తిరుమలగిరి 01 ఆగస్టు 2024 తెలంగాణ వార్త రిపోర్టర్

 ఒకే కుటుంబంలోని ఓట్లన్ని ఒకే కాలనీలోని ఇంటి నెంబర్ క్రమ సంఖ్య ఆధారంగా ఒకే వార్డులో  ఓట్లు ఉండేలా చర్యలు తీసుకోని ఓట్లర జాబితా సవరణ చేసి స్థానిక సంస్థల ఎన్నికలు నిర్వహించాలని మంగళవారం సూర్యాపేట జిల్లా తిరుమలగిరి మండల పరిషత్తు అధికారి మారయ్య గారికి తెలంగాణ యువజన సంఘము ఆధ్వర్యంలో వినతి పత్రం అందించారు. అనంతరం ఆ సంఘం జిల్లాఅధ్యక్షుడు పొరేళ్ల విప్లవ కుమార్ మాట్లాడుతూ.... గత స్థానిక ఎన్నికల సందర్బంగా ఒకే  కుటుంబంలోని ఓటర్ల ఓట్లు, ఓకే వార్డ్ లలో ఉండకుండా వేరొక వార్డులకు జంప్ అయి ఓటర్ల లిస్ట్ విడుదల చేసి ఎన్నికలు నిర్వహించారని అన్నారు. సూర్యాపేట జిల్లా వ్యాప్తంగా గ్రామ పంచాయతీలో గల ఒక కుటుంబ ఓట్లు ఒకే వార్డ్ లలో క్రమసంఖ్యలో వచ్చేల చర్యలు తీసుకోవాలని డిమాండ్ చేశారు. ఆ ఓటర్ల లిస్ట్ ప్రకారమే ఎన్నికలు జరగడం వలన సర్పంచ్ ఎన్నికల సందర్బంగా రాజకీయ పార్టీల గుర్తులు కాకుండా, రాష్ట్ర ఎన్నికల కమిషన్ విడుదల చేసే స్వతంత్ర గుర్తులను, వివిధ వార్డ్ లలో ఎన్నికలలో పోటీ చేసే అభ్యర్థులు ప్రచారానికి ఇబ్బందులు తలెత్తున్నాయని పేర్కొన్నారు. ఎన్నికలు ముగిసిన తర్వాత ఆయా వార్డ్ సమస్యల పరిష్కారం కోసం ఏ ఒక్క వార్డ్ సభ్యులు బాధ్యత తీసుకోకపోవడం వలన, గ్రామ పంచాయతీ పరిధిలోని వార్డులో సమస్యల పరిష్కారం ఎక్కడ వేసిన గొంగడి అక్కడే ఉన్నట్లు ఉందన్నారు. రానున్న సర్పంచ్ ఎన్నికల సందర్బంగా విడుదల చేయనున్న ఓట్లర్ల జాబితాలో ఓకే కుటుంబలోని ఓట్లు ఓకే వార్డ్ లో, ఓకే ఇంటి నెంబర్ వరుస గల కాలనీ ఓట్లు ఓకే వార్డ్ లో వచ్చేలా చర్యలు తీసుకోని ఓట్లర్ల జాబితా విడుదల చేయాలని డిమాండ్ చేశారు. సర్పంచ్ ఎన్నికల సందర్బంగా వివిధ వార్డ్ లలో పోటీ చేసే అభ్యర్థుల ప్రచారం సులభం అవుతుందని అన్నారు. ఈ కార్యక్రమంలో తెలంగాణ యువజన సంఘం నాయకులు బొడ్డు రమేష్ రసమల్ల సంతోష్ , నాగరాజు తదితరులు పాల్గొన్నారు.