ఉచిత శిక్షణ కొరకు ధరఖాస్తుల ఆహ్వానం

తెలంగాణ షెడ్యూల్డ్ కులముల అభివృద్ధి శాఖ, సూర్యాపేట అద్వర్యం లో నిర్వహించబడుతున్న యస్. సి స్టడీ సర్కిల్ లో గ్రూప్స్- I, II, III & IV, బ్యాంకింగ్ సర్వీసెస్, స్టాఫ్ సెలక్షన్ కమీషన్, కేంద్ర, రాష్ట్ర ప్రభుత్వాలు భర్తీ చేయనున్న ఉద్యోగాల పోటీ పరీక్షలకు ఉచిత శిక్షణ కోసం గడువు మార్చి 6 వరకు ఉన్నదని జిల్లా షెడ్యూల్డ్ కులముల అభివృద్ధి అధికారి  కే లత ,  స్టడీ సర్కిల్ హానరరీ డైరెక్టర్ చిట్టి పాక రాములు శుక్రవారం ఒక ప్రకటనలో తెలిపినారు.
ఆసక్తి గల అభ్యర్థులు www.tsstudycircle.co.in  వెబ్ సైట్ లో ధరఖాస్తు చేసుకోవాలని పేర్కొన్నారు. ఎంట్రన్స్ పరీక్ష తేది: 10.03.2024  ఆదివారం ఉ” 11:00 గo” ల నుండి మ” 1:00 వరకు జరుగుతుందని తెలిపినారు. పరీక్ష హాల్ టికెట్లు 7 వ తేది నుండి డౌన్ లోడ్ చేసుకోవాలని పేర్కొన్నారు. యస్.సి, యస్.టి, బి.సి, మైనారిటీ కులాలకు చెందిన నలబై ఏళ్ళ లోపు వయసు కలిగిన డిగ్రీ ఉత్తీర్ణులైన, సంవత్సరానికి రూ. మూడు లక్షలు లోపు కుటుంబ ఆదాయం కలిగిన అభ్యర్థులు అర్హులని  తెలిపినారు. ఎంపికైన అభ్యర్థులకు మార్చి 18 నుండి ఆగష్టు 17 వరకు భోజన వసతి కల్పించి శిక్షణ ఉంటుందని తెలిపినారు. అభ్యర్థికి రూ. 2,500/- విలువ కలిగిన స్టడీ మెటీరియల్ ఉచితము గా అందజేయబడును. ఇతర సమాచారం కొరకు హనరరీ డైరెక్టర్ Ch రాములు, Cell No: 9989129935   సంప్రదించాలని తెలిపారు.