మేడారం జాతరకు ఎందుకు వివక్ష?

నాలుగు రోజుల అధికారిక సెలవులు ఇవ్వాలని నకరేకల్ ప్రజల డిమాండ్

కోట్లాది మంది ప్రజల విశ్వాసాలకు ప్రతీకగా నిలిచిన మేడారం సమ్మక్క–సారలమ్మ జాతరను మాటల్లో మాత్రమే గౌరవించి, కార్యాచరణలో విస్మరించడం ఎంతవరకు సమంజసం? అని నకరేకల్ ప్రజలు ప్రశ్నిస్తున్నారు.
తెలంగాణ రాష్ట్ర అధికారిక పండుగగా గుర్తింపు పొందిన మేడారం జాతరకు,
ప్రజలు తమ పూజలు సక్రమంగా తీర్చుకొనుటకు,
దేవతలను ప్రశాంతంగా దర్శించుకొనుటకు,
స్కూల్స్, కాలేజీలు సహా అన్ని విద్యా సంస్థలకు నాలుగు రోజులపాటు అధికారిక సెలవులు ప్రకటించాలి అని నకరేకల్ ప్రజలు డిమాండ్ చేస్తున్నారు.
కుంభమేళాలకు ప్రత్యేక ఏర్పాట్లు,
ఇతర మతపరమైన పండుగలకు విస్తృత సెలవులు,
కానీ గిరిజనుల ఆరాధ్య దేవతలైన సమ్మక్క–సారలమ్మ జాతరకు మాత్రం
సెలవులు కత్తిరించడం ఏ న్యాయం? అని ప్రజలు నిలదీస్తున్నారు.
ఒకటి రెండు రోజుల సెలవులతో సరిపెట్టడం వల్ల
విద్యార్థులు, తల్లిదండ్రులు
భక్తి – హాజరు మధ్య ఇబ్బంది పడాల్సిన పరిస్థితులు ఏర్పడుతున్నాయని,
ఇది ప్రజల విశ్వాసంపై ప్రభుత్వమే ఒత్తిడి తెచ్చినట్లవుతోందని
నకరేకల్ ప్రజలు ఆవేదన వ్యక్తం చేస్తున్నారు.
అడవే ఆలయంగా,
ప్రకృతే దేవతగా,
గిరిజన సంప్రదాయమే పూజగా కొనసాగుతున్న మేడారం జాతరను
ప్రభుత్వం కూడా అదే స్థాయిలో గౌరవించాల్సిన బాధ్యత ఉందని ప్రజలు గుర్తుచేస్తున్నారు.
గిరిజనుల జాతరకు తక్కువ సెలవులు…
ఇతర జాతరలకు ఎక్కువ సెలవులు…
ఇది సాంస్కృతిక వివక్ష కాదా? అని నకరేకల్ ప్రజలు ప్రభుత్వాన్ని ప్రశ్నిస్తున్నారు.
కాబట్టి,
మేడారం జాతర సందర్భంగా
రాష్ట్ర వ్యాప్తంగా స్కూల్స్, కాలేజీలు, విద్యా సంస్థలకు నాలుగు రోజుల అధికారిక సెలవులు ప్రకటించి,
ప్రజల విశ్వాసాలకు నిజమైన గౌరవం ఇవ్వాలని
నకరేకల్ ప్రజలు తెలంగాణ ప్రభుత్వాన్ని డిమాండ్ చేస్తున్నారు.
ఇది అభ్యర్థన కాదు…
 ఇది ప్రజాస్వామ్యంలో ప్రజలు అడుగుతున్న న్యాయమైన ప్రశ్న