తెలంగాణ రాష్ట్ర మీడియా అకాడమీ చైర్మన్ గా శ్రీనివాస్ రెడ్డి నియామకం పట్ల హర్షం వ్యక్తం చేసిన..... లింగంపల్లి నాగబాబు
మునగాల 29 ఫిబ్రవరి 2024
తెలంగాణ వార్తా ప్రతినిధి :-
ఐజేయూ జాతీయ అధ్యక్షుడు ప్రజాపక్షం ఎడిటర్ కె శ్రీనివాస్ రెడ్డిని తెలంగాణ రాష్ట్ర మీడియా అకాడమీ చైర్మన్ నియామకం పట్ల టీ ఎస్ జే ఏ నాయకులు బుధవారం హర్షం వ్యక్తం చేశారు. ఈ సందర్భంగా టీ ఎస్ జే ఏ జిల్లా అధ్యక్షుడు లింగంపల్లి నాగబాబు మాట్లాడుతూ, శ్రీనివాస్ రెడ్డి జర్నలిస్టు ఉద్యమంలో కీలక పాత్ర వహించిన మహోన్నత వ్యక్తి అని నిరంతరం జర్నలిస్టుల సమస్యలపై పోరాడుతారని అన్నారు. అనేకమైన పోరాటాలు చేసి ప్రతి ఒక్కరికి ఆదర్శంగా నిలిచారని అన్నారు. జర్నలిస్టులకు ఉన్న సమస్యలను పరిష్కరించి ఇంటి స్థలాలతోపాటు ఇందిరమ్మ ఇల్లు కట్టించి జర్నలిస్టులకు అండగా నిలవాలని కోరారు. ప్రతి ఒక్కరికి అక్రిడేషన్ కార్డుతో పాటు, హెల్త్ కార్డులను ఇప్పించే విధంగా కృషి చేయాలని అన్నారు. ఈ కార్యక్రమంలో జర్నలిస్టులు సీనియర్ జర్నలిస్టులు జిఎస్ రెడ్డి, జేజే సామ్యూల్, బెజవాడ గోవర్ధన్, దస్తగిరి తుమ్మల వెంకటేశ్వర్లు, సోమపంగు గోపి, అనంతుల శ్రీనివాస్, సుంకర సతీష్, తోకల సైదులు తదితరులు పాల్గొన్నారు.
