సీఎం సభాస్థలిని పరిశీలించిన ఎస్పీ, కలెక్టర్ మరియు జోగులాంబ ‌గద్వాల జిల్లా యూత్‌ కాంగ్రెస్‌ అధ్యక్షుడు దీపక్ ప్రజ్ఞ .

జోగులాంబ గద్వాల 4 మే 2024 తెలంగాణ వార్త ప్రతినిధి:- ఇటిక్యాల.  మండల కేంద్రమైన ఎర్రవల్లిలో ఆదివారం  జరగనున్న సీఎం సభ ప్రాంగణాన్ని జిల్లా కలెక్టర్ సంతోష్, జిల్లా ఎస్పీ రితిరాజ్ శనివారం పరిశీలించారు. సభాస్థలి దగ్గర భద్రత ఏర్పాట్లు, సౌకర్యాలు ఏ విధంగా ఉన్నాయనేది తనిఖీ చేశారు. తరలివచ్చే జనాలకు ఇబ్బందులు తలెత్తకుండా భద్రతా ఏర్పాట్లు చేపట్టాలని జిల్లా ఎస్పీ రితిరాజ్ సిబ్బందికి సూచించారు.ఆనంతరం బందోబస్తు పరంగా చేయవలసిన ఏర్పాట్ల గురించి అధికారులకు పలు సూచనలు చేశారు . ఈ కార్యక్రమంలో వివిధ శాఖ అధికారులు కాంగ్రెస్ నాయకులు తదితరులు ఉన్నారు.