సాయి పబ్లిక్ స్కూల్లో ఘనంగా 30 వ వార్షికోత్సవ వేడుకలు 

తెలంగాణ వార్త కొండపాక :- కొండపాక మండల కేంద్రంలోని సాయి పబ్లిక్ స్కూల్ 30వ వార్షికోత్సవ వేడుకలను శనివారం ఘనంగా నిర్వహించారు. ఈ సందర్భంగా విద్యార్థులు చేసిన నృత్య ప్రదర్శనలు  సాంస్కృతిక  కార్యక్రమాలు పలువురిని ఆకట్టుకున్నాయి. ముందుగా పాఠశాల కరెస్పాండెంట్ దామోదర్ మాట్లాడుతూ విద్యార్థులు ఉన్నత లక్ష్యంతో ముందుకుసాగితే మంచి ఫలితాలు సాధిస్తారన్నారు. విద్యార్థులు పట్టుదలతో ఏకాగ్రతతో చదివి ఉన్నత స్థానాలకు చేరుకోవాలని ఆకాంక్షించారు. విద్యార్థుల్లో క్రమశిక్షణ పెంపొందించే బాధ్యత ఉపాధ్యాయులపై ఉందని అన్నారు. విద్యార్థులు కష్టపడి చదివి తల్లిదండ్రులకు పేరు తీసుకురావాలని అన్నారు. ఈ కార్యక్రమంలో తల్లిదండ్రులు విద్యార్థుల నృత్యాలను ప్రదర్శనలను తిలకిస్త్ ఆనందాన్ని వ్యక్తపరిచారు. ఈ కార్యక్రమంలో ఉపాధ్యాయులు, విద్యార్థులు ,తల్లిదండ్రులు, గ్రామస్తులు పాల్గొన్నారు. అనంతరంవిద్యార్థులకు పాఠశాల కరెస్పాండెంట్ బహుమతులు ప్రధానం చేశారు.