సందడిగా మారిన శ్రీ తిమ్మప్ప స్వామి దేవాలయం

జోగులాంబ గద్వాల 7 సెప్టెంబర్ 2024 తెలంగాణ వార్తా ప్రతినిధి:- మల్దకల్. భాద్రపద శుద్ధ చవితి వినాయక చవితి సందర్భంగా శనివారం మల్దకల్ శ్రీ స్వయంభూ లక్ష్మీ వెంకటేశ్వర స్వామి దేవాలయం భక్తులతో నిండిపోయింది. ఉదయం నుండి భక్తులు ప్రవేశ ద్వారం దగ్గర సాక్షి గణపతిని దర్శించుకుని శ్రీ తిమ్మప్ప స్వామి ఆలయంలో ప్రత్యేక పూజలు నిర్వహించారు. ఉదయం ఆలయ చైర్మన్ పట్వారి ప్రహ్లాద రావు ఈవో సత్య చంద్రారెడ్డి ఆధ్వర్యంలో ఆలయ అర్చకులు పూజలు నిర్వహించారు. దేవాలయానికి వచ్చిన భక్తులకు దేవస్థానం తరుపున అన్నదాన కార్యక్రమం ఏర్పాటు చేశారు. ఈ కార్యక్రమంలో చంద్రశేఖర రావు పటేల్ శేషి రెడ్డి వీరారెడ్డి గోవర్ధన్ గౌడ్ తదితరులు పాల్గొన్నారు.