వేసవి కాలంలో ప్రతి ఒక్కరూ తగు జాగ్రత్తలు తీసుకోవాలి

తెలంగాణవార్త కొండపాక:- వేసవి కాలంలో రోజు రోజుకు ఉష్ణోగ్రతలు పెరిగిపోతున్నాయని ప్రతీ ఒక్కరూ తగు జాగ్రత్తలు పాటించాలని ప్రముఖ సీనియర్ హోమియోపతి వైద్యుడు వల్లకోటి దేవేందర్ అన్నారు. కొండపాక లోని ఆనంద నిలయంలో వృద్దులకు ఉచితంగా వడ దెబ్బ నివారణ కొరకు ముందస్తు హోమియోపతి మందుల ను శుక్రవారం పంపిణీ చేశారు. ఈ సందర్భంగా డాక్టర్ దేవేందర్ మాట్లాడుతూ గత ఐదు సంవత్సరాల నుంచి పలు వృద్ధ, అనాధ పిల్లల ఆశ్రమల్లో ఉచితంగా మందుల పంపిణీ చేస్తున్నా మన్నారు. ఎండ తీవ్రత బాగా వున్నప్పుడు అవసరం ఉంటే తప్ప  బయటకు రావాలన్నారు. నీటిని, ద్రవ పదార్థాలు ఎక్కువగా తీసుకోవాలన్నారు. ఈ కార్యక్రమంలో ఆశ్రమ ఇంఛార్జి అరుణ ప్రతాప్ రెడ్డి, గట్టు అమర్నాథ్, వడ్డేపల్లి సుధాకర్, పెరాల రాజులు పాల్గొన్నారు.