పదవ తరగతి ఫలితాలలో ప్రతిభ చాటిన మోడల్ స్కూల్

తిరుమలగిరి 01 మే 2024 తెలంగాణ వార్త రిపోర్టర్:- తిరుమలగిరి మున్సిపాలిటీ పరిధిలోని అనంతారం మోడల్ స్కూల్ లో విద్యను అభ్యసిస్తున్న 10వ తరగతి విద్యార్థులు 10వతరగతి ఫలితాలలో అత్యధిక మార్కులు సాధించి ప్రథమ స్థానంలో నిలిచారని ప్రిన్సిపల్ వేముల బాలరాజు  తెలిపారు. మంగళవారం విడుదలైన పదవ తరగతి ఫలితాలలో అనంతారం మోడల్ స్కూల్ విద్యార్థులు 100 శాతం ఉత్తర్ణత సాధించారని చెప్పారు, పాఠశాల నుండి 87 మంది విద్యార్థులు పరీక్షకు హాజరుకాగా 87 మంది విద్యార్థులు ఉత్తీర్ణత సాధించారు ,ఈ ఫలితాల్లో ఏనుగుల వర్ష 9.7 జిపిఏ తో ప్రథమ స్థానంలో నిలిచింది, అదేవిధంగా 9.5 జిపిఏ ఇద్దరు, 9.3 జిపిఏ 8 మంది విద్యార్థులు ,9.2 జిపిఏ 9 మంది విద్యార్థులు, 9.0 జిపిఏ ను ముగ్గురు విద్యార్థులు సాధించారు. ఉత్తమ ఫలితాలు పొందిన విద్యార్థులకు ప్రిన్సిపల్ వేముల బాలరాజు మరియు ఉపాధ్యాయులు , తల్లిదండ్రులు అభినందనలు తెలిపారు