గ్రంథాలయ చైర్మన్ ను  సన్మానించిన గద్వాల సాహితీ

జోగులాంబ గద్వాల 30 అక్టోబర్ 2024 తెలంగాణ వార్త ప్రతినిధి:- గద్వాల. సాహితీ సంస్థ కవులు రచయితలు ఈరోజు జిల్లా గ్రంథాలయ చైర్మన్ గా నియమితులైన శ్రీ నీలి శ్రీనివాసులు ని కలిసి శుభాకాంక్షలు తెలిపారు. ఈసందర్భంగా జోగులాంబ గద్వాల జిల్లా విశేషాలు తెలియజేస్తూ ప్రచురితమైన పుస్తకాల గురించి, సాహిత్య కార్యక్రమాల గురించి తెలియజేయడం జరిగింది. జోగులాంబ గద్వాల సాహితీకి చెందిన కవులు గ్రంథాలయంతో బాటు జిల్లా సాహితీ సంస్థలకు సహకారం అందించారని కోరారు. సాహితీ కార్యక్రమాలకు తనవంతు కృషి సహకారం ఉంటుందని గ్రంథాలయ చైర్మన్ శ్రీనివాసులు తెలిపారు. ఈ కార్యక్రమంలో సాహితీ అధ్యక్షులు డా. అంబటి భాను ప్రకాశ్, ప్రధాన కార్యదర్శి అనిమోని మహేందర్, సాహితీ సభ్యులు మేడిచర్ల హరినాగ భూషణం, పూదత్తు భాస్కర్, నాయుడు గారి జయన్న, డా. మంగళగిరి శ్రీనివాసులు, మహేశ్, రాజేశ్, గ్రంథపాలకుడు రామాంజనేయులు, సిబ్బంది శ్రీకాంత్,గోపాల్ తదితరులు పాల్గొన్నారు.