గద్వాల జిల్లాలో కల్తీ నూనె కలకలం.. !

జోగులాంబ గద్వాల 1 జూన్ 2024 తెలంగాణ వార్త ప్రతినిధి:- అయిజ. పట్టణంలో కల్తీ నూనె విక్రయిస్తున్నారనే సమాచారం కలకలం రేపుతుంది. దళిత కాలనీ శివారులో కొందరు వ్యక్తులు ఎద్దు కొవ్వు, ఎముకలతో నూనె తయారు చేసి పట్టణంలో గుట్టు చప్పుడు కాకుండా తక్కువ ధరకు ఫాస్ట్ ఫుడ్ సెంటర్లకు, ఇతర వ్యాపారాలకు తక్కువ ధరకు విక్రయిస్తున్నట్లు ప్రచారం జరుగుతుంది.తాజాగా శుక్రవారం ఎస్సీ కాలనీలో ఇటువంటి నూనె విక్రయించేందుకు వచ్చిన కొందరు వ్యక్తులను కాలనీ ప్రజలు అడ్డుకుని వెనక్కి పంపినట్లు తెలుస్తుంది.ఈ వ్యవహారంపై అధికారులు చర్యలు తీసుకోవాలని పట్టణ ప్రజలు కోరుతున్నారు.