కంపచెట్లతో కమ్ముకున్న బస్టాండ్

అభివృద్ధికి ఆమడ దూరంలో తుంగతుర్తి మండలం

అస్తవ్యస్తంగా మెయిన్ రోడ్లు డ్రైనేజీ కాలువలు

ఇబ్బందుల్లో ప్రజలు, ప్రయాణికులు 

బస్టాండులో మరుగుదొడ్లు కంపు వాసన 

చెత్త చెదారంతో పేరుకుపోయిన బస్టాండ్

ఇళ్లల్లోకి మురుకునీరు ప్రవేశం

చూస్తూ చూడనట్లు వ్యవహరస్తున్న సంబంధిత అధికారులు

తుంగతుర్తి 19 అక్టోబర్ 2025 తెలంగాణ వార్త స్టాప్ రిపోర్టర్

తుంగతుర్తి: ప్రభుత్వా లు మారినా, పాలుకులు మారినా తలరాత మారదన్న నాడి తుంగతుర్తిలో కూడా నిజమని నిరూపిత మవుతోంది. అందుకు తగ్గట్టుగా తుంగతుర్తి నియోజకవర్గ కేంద్ర అభివృద్ధికి ఆమడదూరం కొనసాగుతోంది. అభివృద్ధిలో ఎంత మాత్రం ముందుకు సాగడంలేదనడానికి ని యోజకవర్గ కేంద్రంలో కంపచేట్లతో కమ్మేసిన బస్టాండ్ దుస్థితి చెప్పకనే  చెబుతోంది. నియోజకవర్గానికి అంతటికి గుండె కాయలాంటి తుంగతుర్తి నియోజక వర్గ కేంద్రం అభివృద్ధికి ఆమడ దూరంలో ఉందంటే అతిశక్తి లేదు. ముఖ్యంగా అస్తవ్యస్తంగా ఉన్న మెయిన్ రోడ్డు పరిస్థితి ప్రయాణికుల సౌకర్యార్థం నిర్మాణమైన బస్టాండ్ కంపచెట్ల మయంగా మారిన పట్టించు కునే నాధుడే లేకపోవడం పట్ల ప్రజ లు ఆగ్రహం వ్యక్తం చేస్తున్నారు.అనునిత్యం సూర్యాపేట, ఖమ్మం, మహబూబాబాద్, మిర్యాలగూడ, హైదరాబాద్, తొర్రూర్ తదితర ప్రాంతాలకు తుంగతుర్తి నియోజకవర్గం నుండి వివిధ డిపోల నుండి వచ్చే బస్సులు వచ్చిపోతుంటాయి. బస్సులన్నీ అరకొర వసతులతో కంప చెట్ల మయంగా నిండిన బస్టాండ్ లోనే ఆగాల్సి ఉంటుంది. మరుగు దొడ్లు పనికిరాకుండా పోయాయి. అన్ని శాఖల అధికారులు ప్రజాప్రతి నిధులు బస్టాండ్ ముందునుండే వెళ్లిరావడం కనిపిస్తుంది. అయినా బస్టాండ్ పరిస్థితి మాత్రం మారడం లేదని ప్రజలు అంటున్నారు. కంప చెట్లు చెత్తాచెదారంతో పేరుకుపో యిన బస్టాండ్ చెత్తచెదారంతో ప్రాణాంతకమైన పాములు సంచరిస్తు న్నట్లు కూడా విమర్శలు వెల్లువెత్తు న్నాయి.  ప్రజలు నియోజకవర్గ కేంద్రంలో మెయిన్ రోడ్డు గుంతల మయంగా మారడమే కాకుండా ఇటీవల ఆర్బాటంగా మరమ్మతులు చేస్తామని అధికారులు కంకర పోయడం తో ప్రయాణికులు నానా ఇబ్బందులు పడుతున్నారు తుంగతుర్తి మెయిన్ రోడ్డు దుస్థితి అధ్వానంగా ఉందని ప్రజలు అంటున్నారు. మెయిన్ రోడ్డుపై మోరివేయడానికి సుమారు దశాబ్ద కాలం క్రితం సిమెంట్ పైపులు రోడ్డుపై వేశారు. ఇంతవరకు మోరి తవ్వలేదు పైపులు వేయలేదు. రోడ్డుపై సిమెంట్ పైపులు అలాగే పడి ఉన్నాయి. తుంగతుర్తి పెద్ద చెరువు వైపు వెళ్లే రోడ్డు తుంగతుర్తి నుండి ఎమ్మెల్యే క్యాంపు కార్యాలయం వైపు వెళ్లే రోడ్డు దారుణంగా ఉంది. తుంగతు ర్తి మెయిన్ రోడ్డు ఎటువైపు చూసిన అద్వానంగా కనిపిస్తోంది.  తుంగతుర్తి అంబేద్కర్ బొమ్మ నుండి పెట్రోల్ బంక్ వైపు వెళ్లే రోడ్డు పై ఇళ్లలో నుండి మురుగునీరు ప్రవ హిస్తున్న అధికారులు ఎవరూ పట్టిం చుకోవడం లేదని ప్రజలు అంటు న్నారు. కనీసం పాదచారు నడవ డానికి సైతం డ్రైనేజీ వాటర్ ఇబ్బందికరంగా ఉందని అంటున్నారు. నియోజకవర్గ మొత్తానికి ఆదర్శవంతంగా ఉండాల్సిన తుంగతుర్తి కేంద్రం అభివృద్ధికి ఆమడ దూరంలో ఉండడానికి అధికారుల నిర్లక్ష్య మే నని ప్రజలు ఆరోపిస్తున్నారు. ఇకనై నా అధికారులు తుంగతుర్తి మెయిన్ రోడ్డుతో పాటు బస్టాండ్ పరిశుభ్రంగా ఉండేలా చర్యలు చేపట్టా లని నియోజకవర్గ కేంద్రాన్ని అందంగా తీర్చిదిద్దాలని ప్రజలు కోరుతు న్నారు.