ఉద్యమకారులకు 250 గజాల స్థలం ఇవ్వాలి

విద్య వైద్యం ప్రజలకు అందుబాటులోకి తేవాలి సూర్యాపేట జిల్లా రియల్ ఎస్టేట్ వ్యాపార అసోసియేషన్  అధ్యక్షులు, తెలంగాణ సామాజిక ఉద్యమకారుడ్ పంతంగి వీరస్వామి గౌడ్ (సూర్యాపేటటౌన్, డిసెంబర్ 10)  నాలుగు కోట్ల తెలంగాణ ప్రజల మనోభావాలు దెబ్బతీసే విధంగా ముఖ్యమంత్రి రేవంత్ రెడ్డి తెలంగాణ తల్లి విగ్రహాన్ని రూపురేఖలు మారుస్తూ నిర్ణయం తీసుకోవడం సరికాదని సూర్యాపేట జిల్లా రియల్ ఎస్టేట్ వ్యాపార అసోసియేషన్ జిల్లా అధ్యక్షులు తెలంగాణ సామాజిక ఉద్యమకారులు పంతంగి వీరస్వామి గౌడ్ అన్నారు. పట్టణంలోని తెలంగాణ తల్లి విగ్రహం వద్ద మంగళవారం రియల్ ఎస్టేట్ వ్యాపార అసోసియేషన్ ఆధ్వర్యంలో తెలంగాణ తల్లికి పాలాభిషేకం చేసి పూలమాలు వేసిన అనంతరం ఆయన విలేకరులతో మాట్లాడారు. ఆరాధ్య దైవంగా భావించే తెలంగాణ తల్లి విగ్రహ స్వరూపాన్ని మార్చడం ఉద్యమకారులకు ఎంతో బాధగా ఉందన్నారు. ఎన్నికల ముందు కాంగ్రెస్ మేనిఫెస్టోలో చెప్పిన విధంగా తెలంగాణ ఉద్యమకారులకు 250 గజాల ఇంటి స్థలం ఇవ్వడంతో పాటు పెన్షన్ మంజూరు చేయాలని ఆయన డిమాండ్ చేశారు. తెలంగాణ ఉద్యమకారుల కుటుంబాలను ప్రభుత్వం ప్రత్యేక నిధులు కేటాయించి ఆదుకోవాలని అన్నారు. హైదరాబాద్ విజయవాడ జాతీయ రహదారికి నడుమ ఉన్న సూర్యాపేట అభివృద్ధికి రాష్ట్ర ప్రభుత్వం అధిక నిధులు కేటాయించాలని కోరారు. సూర్యాపేటలో ఐటి హబ్ ,ఇండస్ట్రియల్ పార్కును అభివృద్ధి చేయాలని విజ్ఞప్తి చేశారు. ప్రజా సమస్యలను ఎప్పటికప్పుడు పరిశీలించి పరిష్కరించాలని పేర్కొన్నారు. విద్య వైద్యానికి ప్రభుత్వం అధిక నిధులు కేటాయించి ప్రజలకు చేరువలో ఉంచాలని అన్నారు. ఆయన వెంట పట్టణ అధ్యక్షుడు జలగం సత్యం గౌడ్ జిల్లా గౌరవ సలహాదారులు దేవత్ కిషన్ నాయక్,  జిల్లా ప్రధాన కార్యదర్శి వెన్న శ్రీనివాస్ రెడ్డి, జిల్లా కోశాధికారి పాల సైదులు, జిల్లా కార్యదర్శి మండాది గోవర్ధన్ గౌడ్, అయితే గాని మల్లయ్య గౌడ్ ఆకుల మారయ్య గౌడ్ ఖమ్మంపాటి అంజయ్య గౌడ్ పట్టణ ఉపాధ్యక్షులు బానోత్ జానీ నాయక్, పట్టణ ప్రధాన కార్యదర్శి కొత్తపెళ్లి వెంకన్న, రఫీ తదితరులు పాల్గొన్నారు.