అడ్డగూడూరులో సీఎం రేవంత్ రెడ్డి చిత్రపటానికి పాలాభిషేకం 

అడ్డగూడూరు16 ఆగస్టు 2024 తెలంగాణవార్త రిపోర్టర్:- యాదాద్రి భువనగిరి జిల్లా అడ్డగూడూరు మండల కాంగ్రెస్ నాయకులు అంబేద్కర్ చౌరస్తా వద్ద గవర్నర్ కోటాలో ఎమ్మెల్సీగా జనసమితి రాష్ట్ర వ్యవస్థాపక అ ధ్యక్షులు ప్రొఫెసర్ కోదండరాం ప్రమాణ స్వీకారం చేసిన సందర్భంగా శుక్రవారం మండల కేంద్రంలో అంబేద్కర్ చౌరస్తా వద్ద విద్యార్థి జనసమితి రాష్ట్ర నాయకులు డప్పు గోపి ఆధ్వర్యంలో సీఎం రేవంత్ రెడ్డి చిత్రపటానికి పాలభిషేకం చేసి, ఎమ్మెల్సీగా ఎన్నికైన కోదండరాం కు శుభాకాంక్షలు తెలియజేస్తూ   మిఠాయిలు పంచి,బాణసంచా కాల్చి ఘనంగా నిర్వహించారు.

 అడ్డగూడూరు మండల పార్టీ వర్కింగ్ ప్రెసిడెంట్ రాచకొండ రమేష్ గౌడ్,కాంగ్రెస్ పార్టీ అడ్డగూడూరు గ్రామ శాఖ అధ్యక్షులు సందీప్ రెడ్డి పార్టీ సీనియర్ నాయకులు గూడెపు పాండు, గూడెపు నాగరాజు,డప్పు గోపి మాట్లాడుతూ..ఒక ఉద్యమకారుడిగా కోదండ రామ్ ని గుర్తించి గవర్నర్ కోటాలో ఎమ్మెల్సీగా నామినేట్ చేసి,   ప్రమాణస్వీకారం చేయించిన సీఎం రేవంత్ రెడ్డికి ఉద్యమకారుల , విద్యార్థి జన సమితి పక్షాన ప్రత్యేక ధన్యవాదాలు తెలియజేస్తున్నామని అన్నారు. ప్రొఫెసర్ కోదండరాంకి భవిష్యత్తు రోజుల్లో విద్యాశాఖ మంత్రి ఇవ్వాలని సీఎంని డప్పు గోపి కోరారు.ఈ కార్యక్రమంలో డప్పు బాబు,డప్పు ముత్తయ్య, మహంకాళి అశోక్,మహేష్,డప్పు యాదగిరి,కాంగ్రెస్ నాయకులు తదితరులు పాల్గొన్నారు.