టీయూడబ్ల్యూజే ఐజేయు ఉపాధ్యక్షులుగా శామ్యూల్ ప్రెస్ క్లబ్ ఉపాధ్యక్షుడిగా దస్తగిరి ఎన్నిక
మునగాల 20 ఫిబ్రవరి 2024
తెలంగాణ వార్తా ప్రతినిధి :-
మునగాల మండల కేంద్రానికి చెందిన సీనియర్ జర్నలిస్ట్ జె. శామ్యూల్ ను టియుడబ్ల్యూజే (ఐజేయు) సూర్యాపేట జిల్లా యూనియన్ ఉపాధ్యక్షుడిగా, షేక్ దస్తగిరిని సూర్యాపేట జిల్లా ప్రెస్ క్లబ్ ఉపాధ్యక్షుడిగా నియమిస్తున్నట్టు టియుడబ్ల్యూజే (ఐజేయు) రాష్ట్ర కార్యవర్గ సభ్యులు చలసాని శ్రీనివాసరావు, జిల్లా అధ్యక్షుడు కోల నాగేశ్వరరావు, జిల్లా కార్యదర్శి డాక్టర్ బంటు కృష్ణ, జిల్లా ప్రెస్ క్లబ్ అధ్యక్ష, ప్రధాన కార్యదర్శి గింజల అప్పిరెడ్డి, శంకరమంచి రవీందర్ శర్మలు తెలిపారు. జిల్లాలోని తుంగతుర్తిలోని సిరి ఫంక్షన్ హాల్ లో మంగళవారం జరిగిన టియుడబ్ల్యూజే (ఐజేయు) సర్వసభ్య సమావేశంలో వారు ప్రకటించారు. ఈ సందర్భంగా వారు మాట్లాడుతూ, జిల్లాలో యూనియన్ బలోపేతానికి కృషి చేయాలని వారు కోరారు. వారి నియామకం పట్ల టియుడబ్ల్యూజే (ఐజేయు) జిల్లా నాయకులు జి.ఎస్ రెడ్డి, తదితరులు హర్షం వ్యక్తం చేశారు. ఈ సందర్భంగా నియమితులైన శామ్యూల్, దస్తగిరిలు మాట్లాడుతూ, యూనియన్ నాయకుల సూచనలు, సలహాల మేరకు యూనియన్ బలోపేతానికి, జర్నలిస్టుల సమస్యల పరిష్కారానికి కృషి చేస్తామని తెలిపారు. జిల్లాలోని జర్నలిస్టుల సంక్షేమానికి తమ వంతు కృషి చేస్తామని తెలిపారు. తమ ఎన్నికకు సహకరించిన రాష్ట్ర, జిల్లా యూనియన్ నాయకులకు ప్రత్యేక కృతజ్ఞతలు తెలిపారు.
