శ్రీసాయిబాబావారి స్వర్ణ సింహాసనమునకు 50వేల రూపాయలు విరాళం 

 జూనియర్ కళాశాల సెంటర్లోని శ్రీ సాయిబాబా వారి ఆలయానికి 50వేల రూపాయల విరాళం అందినది.  మారేళ్ళ దుర్గాప్రసాద్ రాజు, సునీత దంపతులు శ్రీ సాయిబాబా వారికి చేయించ తలపెట్టిన స్వర్ణ సింహాసనమునకు (బంగారు పూతతో ) వారి సోదరుడు రాజు చేతుల మీదుగా 50వేల రూపాయలు విరాళమును ఆలయ కోశాధికారి కుంచాల రమేష్ కు అందజేశారు. అనంతరం దాతలను శాలువాతో సత్కరించారు బాబా వారి మెమెంటోను అందజేశారు.

 గురువారం సాయిబాబా వారికి ఉదయం అభిషేకం అర్చనలు జరిపారు. మధ్యాహ్నం అన్నదానంలో వెయ్యి మంది భక్తులు పాల్గొన్నారు.  ఈ కార్యక్రమంలో ఆలయ కమిటీ సభ్యులు పాల్గొన్నారు.