విద్యుత్ వినియోగదారుల దినోత్సవము

జోగులాంబ గద్వాల 3 నవంబర్ 2024వరకు తెలంగాణ వార్త ప్రతినిధి:-అలంపూర్ విద్యుత్ వినియోగదారుల దినోత్సవం సందర్భంగా తేదీ : 03.11.2024 నాడు, ఆదివారం ఉదయం 10:00 గంటల నుంచి అలంపూర్ చౌరస్తా విద్యుత్ ఏడీఈ కార్యాలయంలో విద్యుత్ వినియోగదారులకు సంబంధించిన "కన్స్యూమర్స్ డే" కార్యక్రమం నిర్వహించడమైనదని ఏ డి ఈ చిన్నమగ్బూల్ ఒక ప్రకటనలో తెలిపారు. ఈ కార్యక్రమానికి అలంపూర్ సబ్-డివిజన్ కు చెందిన AEలు, ఇతర అధికారులు మరియు విద్యుత్ సిబ్బంది హాజరయ్యారు. అలాగే ఈ కార్యక్రమంలో విద్యుత్ సంబంధిత సమస్యలు ఉన్న బొంకూర్, అమరవాయి మరియు వివిధ గ్రామాల నుంచి వినియోగదారులు ఈ కార్యక్రమానికి హాజరై తమ సంతృప్తిని వ్యక్తం చేస్తూ తమ సమస్యలు కూడా తెలియజేసి ఈ కార్యక్రమంను విజయవంతం చేయడమైనది. అందుకు విద్యుత్ వినియోగదారులందరికి జోగులాంబ గద్వాల జిల్లా విద్యుత్ సంస్థ తరపున తమ కృతజ్ఞతలు తెలియజేయడం అయినదని ఏడి తెలియజేశారు.