రోడ్డుపై గాలి వానకు విరిగిన చెట్లను తొలగించిన పోలీసులు 

అడ్డగూడూరు 31 ఆగస్టు 2024 తెలంగాణవార్త రిపోర్టర్:- యాదాద్రి భువనగిరి జిల్లా అడ్డగూడూరు మండలంలో గత రెండు రోజుల నుండి కురుస్తున్న వర్షాలకు చెట్లు నాని ఒక్కసారిగా వచ్చిన గాలికి అడ్డగూడూరు మంగమ్మ గూడెం గ్రామాల మధ్య విరిగిన చెట్లను పోలీసులకు సమాచారం అందిన వెంటనే హుటాహుటి అక్కడికి చేరుకొని గ్రామస్తులు వాహనదారుల సహాయంతో డోజర్ ను రప్పించి రోడ్డుకు ఇరువైపులా ఇరిగి పడ్డ చెట్లను పోలీసులు రెండు గంటలు పాటు శ్రమించి తొలగించారు. పోలీసులు చేసిన అ పనికి అటు ఇటు వెళ్లే వాహనదారులు పోలీసులకు ధన్యవాదాలు తెలియజేశారు.ఆర్ అండ్ బి చేయవలసిన పనిని మానవత దృక్పథంతో చేసిన పనికి వాహనదారులు కృతజ్ఞతలు తెలియజేశారు.ఈ కార్యక్రమంలో హెడ్ కానిస్టేబుల్ రామ నర్సయ్య,కానిస్టేబుల్ రజినీకాంత్, కానిస్టేబుల్ రాజేష్ రెడ్డి, కానిస్టేబుల్ పవన్ తదితరులు పాల్గొన్నారు.