మహిళల రక్షణే  షీ టీమ్స్ ప్రధాన లక్ష్యం : జిల్లా ఎస్పీ శ్రీ టి.శ్రీనివాస్ రావు, ఐపీఎస్

జోగులాంబ గద్వాల 1 ఫిబ్రవరి 2025 తెలంగాణ వార్త ప్రతినిధి:- మహిళలు,యువతులు మరియు బాలికలు ఆకతాయిల వలన గానీ,మరే విధమైన వేధింపుల వలన గానీ ఇబ్బందులు ఎదుర్కొంటున్నట్లయితే నిర్భయంగా పోలీస్ షి టీమ్స్ ను సంప్రదించి వేధింపుల నుండి విముక్తి పొందాలని జిల్లా ఎస్పీ శ్రీ టి.శ్రీనివాస్ రావు ఐపిఎస్  ఈ రోజు విడుదల చేసిన ఒక ప్రకటనలో తెలిపారు. జిల్లాలో మహిళల రక్షణ కోసం పోలీస్ షి టీం బృందాలు జిల్లా లో పర్యటిస్తూ బస్ స్టాండ్ లు, రైల్వే స్టేషన్ లు, విద్య సంస్థలు, గ్రామ స్టేజీల లు నిఘా ఉంచడం జరుగుతుందని ఎక్కడైనా విద్యార్థినులు,మహిళలు అన్యాయానికి గురైనప్పుడు భయపడొద్దని, ధైర్యంగా ముందుకు వచ్చి ఫిర్యాదు చేస్తే నిందితులపై ఖచ్చితంగా చర్యలు తీసుకుంటామన్నారు. కళాశాల, పాఠశాలల విద్యార్థినులు ర్యాగింగ్,ఈవ్ టీజింగ్ లకు గురైనా,మహిళలు పని చేసే ప్రదేశాల వద్ద వేధింపులకు గురైనా,బాలికలపై ఎవరైనా లైంగిక వేధింపులకు పాల్పడినా వెంటనే నిర్భయంగా పోలీస్  షీ టీమ్ ను ఆశ్రయిస్తే సత్వర న్యాయం చేకూరుస్తామని ఎస్పీ తెలిపారు. షీటీమ్స్ ద్వారా పాఠశాలలు, కలశాల లో అవగాహాన కార్యక్రమాలు కూడా చేపట్టడం జరుగుతుందని అన్నారు.జిల్లా వ్యాప్తంగా షీటీమ్స్ జనవరి మాసంలో 81 హాట్స్పాట్స్ విజిట్ చెయ్యడం జరిగిందనీ, వేధింపులకు సంబందించి 03 పిర్యాదులు రాగా 02 FIR  కేసులు నమోదు చేసి నిందితులను రిమాండ్ చెయ్యడం  తో పాటు మరో ఇద్దరికి  కౌన్సిలింగ్ చెయ్యడం జరిగిందనీ అన్నారు.అబ్జర్వేషన్ లో భాగంగా అమ్మయిలు మహిళలను వేదిస్తున్నటువంటి ఆకతాయిలను పబ్లిక్ ప్లేసెస్ అయినటువంటి బస్టాండ్స్,స్కూల్స్,రైల్వేస్టేషన్, కాలేజెస్ దగ్గర 18 మందిని  రెడ్ హ్యాండెడ్ పట్టుకొని   17  మందిపై పెట్టి కేసు లు నమోదు చేశామని, జిల్లా వ్యాప్తంగా షి టీమ్స్  పబ్లిక్ ప్లేసెస్, రైల్వే స్టేషన్, డిగ్రీ కాలేజీ లో, ఇంటర్ కాలేజి, స్కూల్స్ , పబ్లిక్ గాథరింగ్ ప్లేసెస్ లో మొత్తం" 13" అవగాహనా కార్యక్రమాలను నిర్వహించడం జరిగిందని అన్నారు .
మహిళలు సామాజిక మాద్యమాలైన ఫేస్బుక్,వాట్సాప్,ఇన్స్టాగ్రామ్ వినియోగంలో జాగ్రత్తలు వహించాలని,వాటిలో ఫొటోలు,వీడియోలు పోస్టుచేసే సమయంలో వ్యక్తిగత భద్రతకు సంబంధించి అన్ని రకాల జాగ్రత్తలు తీసుకోవాలని సూచించారు. ఎవరైనా వేధింపులకు గురైన  షి టీమ్ ను నేరుగా సంప్రదించలేని వారు "8712670312" ఫోన్ నంబరుకు లేదా డయల్ 100కు ఫోన్ చేసి సమాచారం అందించాలని వారి వివరాలను గోప్యంగా ఉంచడం  జరుగుతుందని తెలిపారు. 
జిల్లా పోలీస్ కార్యాలయం వారు తెలియజేశారు.