బ్రహ్మోత్సవాలలో పాల్గొన్న స్వామీజీ

జోగులాంబ గద్వాల 26 నవంబర్ 2025 తెలంగాణ వార్తా ప్రతినిధి : మల్దకల్ మండల కేంద్రంలో వెలిసిన శ్రీ స్వయంభు లక్ష్మీ వెంకటేశ్వర స్వామి దేవాలయం బ్రహ్మోత్సవాలలో బుధవారం శ్రీ విద్యా సింధు మాధవ తీర్థ స్వామి పాల్గొని రెండవ రోజు బ్రహ్మోత్సవాలలో పూజలు నిర్వహించారు. అలాగే హరిద్వార్ మాత భైరవ అమ్మ పాల్గొని దేవాలయంలో ప్రత్యేక పూజలు నిర్వహించారు. ఈ సందర్భంగా వారికి దేవాలయ చైర్మన్ పట్వారి ప్రహ్లాద రావు ఈవో సత్య చంద్రారెడ్డి అర్చకులు పూర్ణకుంభ స్వాగతం పలికి ఆహ్వానించారు. అనంతరం వారు భక్తులను ఉద్దేశించి మాట్లాడుతూ ప్రతి ఒక్కరూ ఆధ్యాత్మిక చింతన కలిగి ఉండాలని అప్పుడే వారి జీవితానికి సాఫల్యం కలుగుతుందని తెలిపారు. ఈ కార్యక్రమంలో దేవాలయ చైర్మన్ పట్వారి ప్రహ్లాద రావు,ఈవో సత్య చంద్రారెడ్డి మధుసూదన్ రెడ్డి చంద్రశేఖర రావు తదితరులు పాల్గొన్నారు.