పిల్లలమర్రి లో ముగిసిన శ్రీ చెన్నకేశవ స్వామి బ్రహ్మోత్సవాలు

సూర్యాపేట (రూరల్‌) మున్సిపల్‌ పరిధిలోని పిల్లలమర్రి శ్రీ చెన్నకేశవ స్వామి దేవాలయంలో ఈ నెల 20న ప్రారంభమైన అధ్యయన బ్రహ్మోత్సవాలు సోమవారం రాత్రి నిర్వహించిన వేడుకలను ముగిసాయి. చక్రవరి నిర్వహించిన అనంతరం శ్రీ పుష్పయాగం, ద్వాదశారోధన, ధ్వజారోహణం, మూగ బలి, పండిత సన్మానం కార్యక్రమాలు నిర్వహించారు. ఈ సందర్భంగా చైర్మన్‌ రాజబాబు రెడ్డి మాట్లాడుతూ ఉత్సవాలకు సహకరించిన ప్రతి ఒక్కరికి కృతజ్ఞతలు తెలిపారు. ఈ కార్యక్రమంలో వంశపారంపర్య ధర్మకర్త ఉమ్మెంతల ఆహ్లాదరావు, ఉమ్మెంతల హరిప్రసాదరావు, అర్చకులు మరింగంటి వరదాచార్యులు, ముడుంబై రఘువరన్‌ ఆచార్యులు, దరూరి రాఘవాచార్యులు, గోమఠం రాఘవాచార్యులు, డైరెక్టర్లు చెరుకుపల్లి కృష్ణయ్య, మంగపండ్ల మల్లికార్జున్‌, కుమ్మరికుంట్ల జానయ్య, చెరుకుపల్లి సైదమ్మ, గంపల శంకర్‌ తదితరులు పాల్గొన్నారు.