పాఠశాలను సందర్శించి విద్యార్థుల సామర్ధ్యాలను పరిశీలించిన  జిల్లా విద్యాధికారి విజయలక్ష్మి.

జోగులాంబ గద్వాల 20 ఆగస్టు 2026 తెలంగాణవార్త ప్రతినిధి:- పరిధిలోని ఆల్వాల్ పాడు మండల పరిషత్ ఉన్నత పాఠశాలను జిల్లా విద్యాధికారి విజయలక్ష్మి సందర్శించారు. సందర్శనలో భాగంగా పాఠశాలలోని పదో తరగతి విద్యార్థులు, ప్రాథమిక పాఠశాల నాలుగు, ఐదో తరగతి విద్యార్థుల గణిత, ఆంగ్ల సామర్థ్యాలను అడిగి తెలుసుకున్నారు. విద్యార్థులకు పాఠ్యాంశాలపై ఉన్న అవగాహనను పరిశీలించారు.ప్రాథమిక అక్షరాస్యత మరియు సంఖ్యా జ్ఞానం, పెట్టెల తొలగింపు, విద్యా సూచికలకు సంబంధించిన అన్ని ఆన్ లైన్ పనులను పూర్తి చేసి నమోదు చేయాలని ప్రధానోపాధ్యాయురాలికి సూచించారు. అలాగే పాఠశాలలోని మధ్యాహ్న భోజనాన్ని పరిశీలించారు. పాఠశాలలో మెనూ ప్రకారం వంటలు చేయాలని, పాఠశాల పరిసరాలను శుభ్రంగా ఉంచుకోవాలని వంట సంస్థ వారికి సూచించారు. పాఠశాలలో ఉన్న సమస్యలపై ప్రధానోపాధ్యాయురాలిని అడిగి తెలుసుకున్నారు.
ఈ కార్యక్రమంలో సహాయ కార్యక్రమ అధికారి శ్రీనివాసులు, సముదాయ వనరుల వ్యక్తి నర్సింలు పాల్గొన్నారు.