జర్నలిజంలో డాక్టర్ బంటు కృష్ణ గోల్డ్ మెడల్ సాధించడం హర్షణీయం
సిపిఐ పట్టణ కమిటీ ఆధ్వర్యంలో సీనియర్ జర్నలిస్టు డాక్టర్ బంటు కృష్ణకు ఘన సన్మానం
సూర్యాపేట: కవి, రచయిత, రాష్ట్ర ఉత్తమ జర్నలిస్టు అవార్డు గ్రహీత, సీనియర్ జర్నలిస్ట్, టి యు డబ్ల్యూ జె, ఐజే యు సూర్యాపేట జిల్లా ప్రధాన కార్యదర్శి బంటు కృష్ణ ఇటీవల జర్నలిజంలో పొట్టి శ్రీరాములు తెలుగు విశ్వవిద్యాలయం నుంచి పీహెచ్ డీ పూర్తి చేసి డాక్టరేట్ తో పాటు రాష్ట్రగవర్నర్ తమిళసై సౌందర్య రాజన్ చేతుల మీదుగా గోల్డ్ మెడల్ అందుకోవడం హర్షణీయమని సిపిఐ పట్టణ కార్యదర్శి బూర వెంకటేశ్వర్లు అన్నారు. సిపిఐ పట్టణ కమిటీ ఆధ్వర్యంలో జిల్లా కేంద్రంలోని ధర్మభిక్షం భవన్ లో సోమవారం డాక్టర్ బంటు కృష్ణను శాలువాతో ఘనంగా సన్మానించి స్వీట్లు పంచారు. ఈ సందర్భంగా సిపిఐ, ఏఐటీయూసీ నాయకులు మాట్లాడుతూ జర్నలిజం రంగాన్ని ఒక వృత్తిగా భావిస్తూ అనేక అంశాలపై జాతీయ అంతర్జాతీయ స్థాయిలో కూడా మూడు దశాబ్దాలుగా విశ్లేషణాత్మక వ్యాసాలు రాసేవాడని కొనియాడారు. ఇదేరంగంలో ఒక జర్నలిస్టుగా ఉంటూ అంచెలంచెలుగా ఎదిగి గవర్నర్ చేతుల మీదుగా బంగారు పథకాన్ని పొందటం పట్ల సిపిఐ పార్టీ పక్షాన శుభాకాంక్షలు తెలిపారు. ఈ కార్యక్రమంలో ఏఐటియుసి ప్రాంతీయ అధ్యక్షుడు దంతాల రాంబాబు, సిపిఐ రాష్ట్ర కమిటీ సభ్యులు అనంతుల మల్లేశ్వరి, ఏఐటియుసి ప్రాంతీయ సలహాదారు చామల అశోక్, ఎఐటియుసి సీనియర్ నాయకుడు నీలా శ్రీనివాస్, రిక్షా యూనియన్ అధ్యక్షులు పెండ్రకృష్ణ, గోపి, యూత్ నాయకులు కామేష్, వెంకట్ తదితరులు పాల్గొన్నారు.
