చెట్టును డీకొట్టిన ట్రాక్టర్ బాలుడు మృతి
తెలంగాణవార్త ఆత్మకూరు యస్ ప్రతినిధి.చెట్టును డీకొట్టిన ట్రాక్టర్ బాలుడు మృతి ఆత్మకూర్ ఎస్... మండల పరిధిలోని పాతర్లపాడు గ్రామంలో ట్రాక్టర్ చెట్టుకు డీకొట్టిన ప్రమాదంలో కేశబోయిన విశ్వతేజ 14. బుధవారం సాయంత్రం మృతి చెందాడు. స్థానికులు తెలిపిన వివరాల ప్రకారం గ్రామానికి చెందిన కేశపోయిన శ్రీశైలం సుకన్యల ఏకైక కుమారుడు విశ్వ తేజ గ్రామానికి చెందిన పబ్బతి గణేష్ కు చెందిన ట్రాక్టర్ తో డ్రైవర్ బొలక గణేష్ మట్టి తరలిస్తుండగా శంభుని చెరువు కట్ట పై ఉన్న చెట్టును డీ కొట్టింది. ఈ ప్రమాదం లో ట్రాక్టర్ పై ఉన్న డ్రైవర్ గణేష్ తో పాటు ట్రాక్టర్ ను నడిపిస్తున్న విశ్వ తేజ కు గాయాలయ్యాయి.
గాయాలైన విశ్వ తేజ ను చికిత్స నిమిత్తం 108 లో సూర్యాపేట తరలిస్తుండగా మార్గమధ్యలోనే మృతి చెందాడు డ్రైవర్ గణేష్ కు స్వల్ప గాయాలైయ్యాయి. మృతుడు విశ్వతేజ సూర్యాపేట జయ పాఠశాలలో 9వ తరగతి చదువుతున్నాడు.ఉగాది సెలవులకు ఇంటికి వచ్చాడు డ్రైవర్ గణేష్ ట్రాక్టర్ నడిపిస్తుండగా ట్రాక్టర్ ను నేను నడిపిస్తానంటూ విశ్వ తేజ డ్రైవింగ్ చేస్తుండగా చెట్టును ఢీ కొట్టింది. ఈ ప్రమాదంలో విశ్వతేజకు స్టీరింగ్ గుద్దుకోవడంతో తీవ్ర గాయాలయ్యాయి గణేష్ ఎగిరిపోవడంతో స్వల్ప గాయాలయ్యాయి. తీవ్ర గాయాలైన విశ్వతేజను చికిత్స నిమిత్తం 108 లో తరలిస్తుండగా గ్రామ శివారు వెళ్తుండగా మృతి చెందినట్లు తెలిపారు. మృతుడు విశ్వతేజకు ఒక చెల్లి ఉన్నది.
