కోదాడ మున్సిపాలిటీలో గాంధీ జయంతి వేడుకలు

కోదాడ 02 అక్టోబర్ 2024 తెలంగాణవార్త రిపోర్టర్:- సూర్యాపేట జిల్లా కోదాడ పట్టణ పరిధిలోని మునిసిపాలిటీ కార్యాలయంలో గాంధీ జయంతి వేడుకలు ఘనంగా నిర్వహించారు.గాంధీ జయంతి సందర్భంగా మున్సిపాలిటీ చైర్ పర్సన్ సామినేని ప్రమీల, మున్సిపల్ కమిషనర్ రమాదేవి జాతిపిత మహాత్మాగాంధి విగ్రహానికి పూల మాల వేసి నివాళులు అర్పించారు. అనంతరం స్వచ్ఛ హి సేవ కార్యక్రమంలో ప్రతిభ కనబర్చిన ఉద్యోగులకు ప్రశంసపత్రాలు అందించి వారిని అభినందించారు. గత నెలలో భారీ వర్షాలు కురవడం వల్ల కోదాడ పట్టణం అంతా జలమయం అయింది, అలాంటి సందర్భంలో రిస్క్ తీసుకొని సేవలు అందించిన మున్సిపాలిటీ సిబ్బందినీ అభినందించి షీల్డ్ ,ప్రశంస పత్రాలు అందించారు. ఈ కార్యక్రమంలో మున్సిపాలిటీ వైస్ చైర్ పర్సన్ కందుల కోటేశ్వరరావు, గంధం యాదగిరి, షేక్ కాజా, ప్రగతి నాగేశ్వరరావు, నిరంజన్ రెడ్డి, భాస్కరరావు,బహజాన్, మేదర లలిత, మున్సిపాలిటీ సిబ్బంది తదితరులు పాల్గొన్నారు.