సర్వన్ మరణం కాంగ్రెస్ పార్టీకి తీరని లోటు ఎమ్మెల్యే సామేలు

 ఉమ్మడి వెలిశాల మాజీ సర్పంచ్ దశదినకర్మలో పాల్గొని నివాళులర్పించిన ఎమ్మెల్యే

 మర్రికుంట తండాలో విషాద ఛాయలు; కుటుంబ సభ్యులకు పరామర్శ

తిరుమలగిరి  22 జూలై 2026 తెలంగాణ వార్త రిపోర్టర్

తుంగతుర్తి నియోజకవర్గం, తిరుమలగిరి మండలం, ఉమ్మడి వెలిశాల గ్రామపంచాయతీ పరిధిలోని మర్రికుంట తండాకు చెందిన కాంగ్రెస్ పార్టీ సీనియర్ నాయకులు, మాజీ సర్పంచ్ స్వర్గీయ భానోత్ సర్వన్  అకాల మరణం నియోజకవర్గ కాంగ్రెస్ శ్రేణులకు మరియు స్థానిక ప్రజలకు తీరని లోటని  తుంగతుర్తి శాసనసభ్యులు  మందుల సామేలు  ఆవేదన వ్యక్తం చేశారు. ఇటీవల అనారోగ్యంతో కన్నుమూసిన సర్వన్  దశదినకర్మ కార్యక్రమం మంగళవారం మర్రికుంట తండాలోని వారి నివాసంలో నిర్వహించారు. ఈ సందర్భంగా ఎమ్మెల్యే మందుల సామేలు  ముఖ్య అతిథిగా హాజరై, సర్వన్  చిత్రపటానికి పూలమాల వేసి ఘనంగా నివాళులర్పించారు.మంచి మనిషి మరణం.. ఊరికి పెద్ద నష్టం:ఈ సందర్భంగా ఎమ్మెల్యే మందుల సామేలు  మాట్లాడుతూ... "చెట్టు ముదిరితే నీడ ఎక్కువ.. మనిషి ముదిరితే బుద్ధి ఎక్కువ" అన్న చందంగా, సర్వన్  ఉమ్మడి వెలిశాల గ్రామానికి ఒక పెద్ద దిక్కులా వ్యవహరించారని గుర్తుచేశారు. నిరంతరం ప్రజాసేవలో ఉంటూ, తండా మరియు గ్రామ ప్రజల కష్టసుఖాల్లో పాలుపంచుకున్న లీడర్ ఆయనని కొనియాడారు. "కంచు మ్రోగినట్లు కనకంబు మ్రోగునా.. మంచి మనిషి మాట ఎప్పటికీ మరువలేము" అంటూ, ఆయన బ్రతికినంత కాలం విలువలతో కూడిన రాజకీయాలు చేశారని, పదవుల కన్నా ప్రజల గుండెల్లో సంపాదించుకున్న స్థానమే గొప్పదని కొనియాడారు.కుటుంబానికి అండగా ఉంటాం:మాజీ సర్పంచ్‌గా ఆయన చేసిన గ్రామాభివృద్ధి పనులు ఎప్పటికీ నిలిచిపోతాయని ఎమ్మెల్యే పేర్కొన్నారు. అనంతరం శోకసముద్రంలో మునిగిపోయిన సర్వన్  కుమారులు జైపాల్ నాయక్, టిక్యా నాయక్, కుటుంబ సభ్యులను, పిల్లలను పరామర్శించి ఓదార్చారు. ఆయన ఆత్మకు సద్గతి కలగాలని భగవంతుడిని ప్రార్థిస్తూ, బాధిత కుటుంబానికి కాంగ్రెస్ పార్టీ మరియు తాను ఎల్లప్పుడూ అండగా ఉంటామని భరోసా ఇచ్చారు. ఈ కార్యక్రమంలో గ్రామ సర్పంచ్ బానోతు రోజా లక్ష్మణ్ నాయక్, స్థానిక కాంగ్రెస్ పార్టీ నాయకులు, మండల పార్టీ అధ్యక్షులు సుంకరి జనార్ధన్, మాజీ అధ్యక్షులు ఎల్సోజు నరేష్, మండల వర్కింగ్ ప్రెసిడెంట్ ధరావతు జుమ్మిలాల్ నాయక్, గ్రామ శాఖ అధ్యక్షులు బానోతు భాస్కర్ నాయక్, ఉప సర్పంచ్ బానోతు సంధ్య శ్రీను వాస్, వార్డు మెంబర్లు జైపాల్ నాయక్, యాకుబ్ నాయక్, సాయి, దేవా నాయక్, ప్రజాప్రతినిధులు, పట్టణ అధ్యక్షులు పేరాల వీరేష్, కౌన్సిలర్లు తిరుమణి యాదగిరి, బానోతు రందన్ నాయక్, సోమని, వీరు నాయక్, కిట్టు నాయక్,వివిధ గ్రామ పంచాయతీల సర్పంచ్‌లు, వార్డు సభ్యులు, తండా పెద్దలు మరియు గ్రామ ప్రజలు పెద్ద సంఖ్యలో పాల్గొని స్వర్గీయ సర్వన్  కి అశ్రునయనాలతో నివాళులర్పించారు.