శ్రీ తిమ్మప్ప స్వామి దేవాలయం దర్శించుకున్న ఎంపీపీ, జడ్పిటిసిలు

జోగులాంబ గద్వాల 3 జూలై 2024 తెలంగాణవార్త ప్రతినిధి:- నేటితో పదవీకాలం ముగియనున్న సందర్భంగా మల్దకల్ మండల జడ్పిటిసి ప్రభాకర్ రెడ్డి, ఎంపీపీ రాజారెడ్డి, వైస్ ఎంపీపీ వీరన్న, ఎంపీటీసీలు గోపాల్ రెడ్డి తదితరులు బుధవారం శ్రీ స్వయంభు లక్ష్మీ వెంకటేశ్వర స్వామి దేవాలయాన్ని సందర్శించుకుని ప్రత్యేక పూజలు నిర్వహించారు. ఈ సందర్భంగా వారికి పట్వారి ఆరవేంద్రరావు అర్చకులు దేవాలయంలో స్వాగతం పలికి అర్చనలు నిర్వహించారు. అనంతరం స్వామివారి చిత్రపటం, శేష వస్త్రంతో ఘనంగా సన్మానించారు. ఈ కార్యక్రమంలో సింగిల్ విండో అధ్యక్షుడు తిమ్మారెడ్డి, మాజీ ఎంపీపీ మధుసూదన్ రెడ్డి, మాజీ ఎంపిటిసి చంద్రశేఖర్ రెడ్డి, చంద్రశేఖర రావు, చక్రధర్ రెడ్డి తదితరులు పాల్గొన్నారు.