ఘనంగా గణతంత్ర దినోత్సవం వేడుకలు

Jan 26, 2025 - 19:55
Jan 26, 2025 - 20:50
 0  47
ఘనంగా గణతంత్ర దినోత్సవం వేడుకలు
ఘనంగా గణతంత్ర దినోత్సవం వేడుకలు

సూర్యాపేట జిల్లా వడ్డెర కార్మిక సంఘం ప్రెసిడెంట్ కుంచం నాగరాజు

పాతర్లపహాడ్/ఆత్మకూర్ యస్,26 జనవరి 2025 తెలంగాణవార్త ప్రతినిధి:- బ్రిటిష్ వలసవాదుల పాలన నుండి దేశాన్ని విముక్తి చేయడం కోసం జరిగిన స్వాతంత్ర్య సంగ్రామంలో పాల్గొని తమ ప్రాణాలను తృణప్రాయంగా పెట్టి అమరులైన అమరవీరుల త్యాగ ఫలితoగానే  భారతదేశానికి స్వాతంత్ర్యం వచ్చిందని సూర్యాపేట జిల్లా వడ్డెర కార్మిక సంఘం ప్రెసిడెంట్ కుంచం నాగరాజు అన్నారు. వడ్డెర యువజన చారిటబుల్ ట్రస్టు వ్యవస్థాపక అధ్యక్షుడు శివరాత్రి మల్లయ్య ఆదేశానుసారంగా ఆదివారం సూర్యాపేట జిల్లా ఆత్మకూర్ యస్ మండలం పాతర్లపహాడ్ గ్రామ వడ్డెర కాలనీ లో  76వ, గణతంత్ర దినోత్సవ వేడుకలను పురస్కరించుకొని జాతీయ జెండాను ఆవిష్కరించిన అనంతరం ఆయన కార్యక్రమాన్ని ఉద్దేశించి మాట్లాడారు. దేశ స్వాతంత్రం కోసం గాంధీజీ, భగత్ సింగ్, సుభాష్ చంద్రబోస్ వంటి ఎంతోమంది త్యాగదనులు పోరాడారని కొనియాడారు. దేశానికి 1947 ఆగస్టు 15న స్వాతంత్రం వచ్చిన తర్వాత దేశం తో పాటు యావత్ ప్రపంచం గర్వించే విధంగా  1950 జనవరి 26న డాక్టర్ బి.ఆర్ అంబేద్కర్ రాసిన భారత రాజ్యాంగం అమలులోకి వచ్చిందని గుర్తు చేశారు.

 భారత రాజ్యాంగం వల్లనే దేశంలో ప్రస్తుతం చట్టాలు నడుస్తున్నాయని చెప్పుకొచ్చారు. భారత రాజ్యాంగం లోని ఆర్టికల్ 3 ప్రకారమే తెలంగాణ ప్రత్యేక రాష్ట్రం కూడా ఏర్పాటయిందని కుంచం నాగరాజు అన్నారు. భారతదేశం ఉన్నంతకాలం రాజ్యాంగ నిర్మాత డాక్టర్ బిఆర్ అంబేద్కర్ దేశ ప్రజల గుండెల్లో చిరస్థాయిగా నిలిచిపోతారని కుంచం నాగరాజు కొనియాడారు. అనంతరం స్వీట్లు పంపిణీ చేసి సంబరాలు నిర్వహించారు.

ఈ కార్యక్రమంలో  డోజర్ యూనియన్ అధ్యక్షుడు గోగుల ఉప్పలయ్య, ఆలకుంట్ల వెంకన్న, గోగుల గోపాలు,  ఆలకుంట్ల మల్లయ్య, కుంచం పెద్ద సైదులు, సూర సత్యం, సూర మల్లయ్య, ఆలకుంట్ల వెంకటేష్,సూర వెంకటేష్, సుతరి గోగుల యల్లయ్య, సుధాకర్, హరీష్, కమలాకర్, సురేష్, కృష్ణ తదితరులు పాల్గొన్నారు.

Telangana Vaartha వినూత్న రీతిలో వెలువడుతూ విశేష ఆదరణ పొందుతున్న మన రాష్టం - మన వార్తలు తెలంగాణవార్త తెలుగు డైలీ, వెబ్ న్యూస్ ఛానల్ మరియు యాప్ లో పనిచేయడానికి తెలంగాణలో అన్నీ ప్రాంతాలకు జిల్లా స్టాఫ్ రిపోర్టర్లు, రిపోర్టర్లు కావలెను. https:// www.telanganavaartha.com. తెలంగాణవార్త మీకు అవకాశం కల్పిస్తుంది. సీనియర్లకు ప్రాధాన్యత, కొత్తవారికి అవకాశం ఉంటుంది. Cell: 90638 81333