అధ్యాపకులను నియమించాలి

జోగులాంబ గద్వాల 28 జనవరి 2025 తెలంగాణ వార్త ప్రతినిధి. గద్వాల. పట్టణంలోని మైనారిటీ గురుకుల విద్యాసంస్థలో గణితం, హిందీ బోధించే అధ్యాపకులు లేక విద్యార్థులు చదువులో వెనుకబడిపోయారని విద్యార్థినుల తల్లిదండ్రులు మంగళవారం కళాశాల ప్రధానోపాధ్యాయురాలుకు వినతి పత్రం అందజేశారు. గత మూడు నెలల నుండి రెండు సబ్జెక్టులకు ఎవరిని నియమించనందున గణితం, హిందీలో పట్టుకోల్పోతున్నారని ఇప్పటికైనా గణితం, హిందీ అధ్యాపకులను నియమించాలని విద్యార్థినుల తల్లిదండ్రులు ఎండి రఫీ, బషీర్ అహ్మద్, చాంద్ పాషా, అక్బర్ భాష లు తెలిపారు.