అంగన్వాడి కేంద్రాల్లో పెండింగ్ ఉన్న పనులను సెప్టెంబర్ 10 లోపల పూర్తి చేయాలి

జోగులాంబ గద్వాల 30 ఆగస్టు 2024 తెలంగాణవార్త ప్రతినిధి:- గద్వాల:-అంగన్వాడి కేంద్రాల్లో పెండింగ్ ఉన్న పనులను సెప్టెంబర్ 10 లోపల పూర్తి చేయాలని జిల్లా కలెక్టర్ బీఎం సంతోష్ ఇంజనీరింగ్ అధికారులకు ఆదేశించారు.శుక్రవారం ఐ.డి.ఓ.సి కాన్ఫరెన్స్ హాలులో అంగన్వాడి భవనాల పనుల పురోగతి గురించి సంబంధిత అధికారులతో సమీక్ష సమావేశం నిర్వహించారు. ఈ సందర్భంగా జిల్లా కలెక్టర్ మాట్లాడుతూ... అంగన్వాడీ కేంద్రాల్లో లైట్లు మంచిగా లేవని, ట్యూబ్ లైట్లు వాడమని ఆయన అన్నారు. అంగన్వాడీ కేంద్రాల్లో పెయింటింగ్, టాయిలెట్స్, త్రాగు నీటి సరఫరా కనెక్షన్ గురించి ఎంత వరకు పనులు పూర్తి అయ్యాయని మండలాల వారిగా ఏ ఈ లను అడిగి తెలుసుకున్నారు.నీటి కనెక్షన్స్ గురించి వాటర్ ట్యాంక్ లు పెట్టించాలని వాటికి కావాల్సిన ఖర్చులను అధికారులతో అడిగి తెలుసుకున్నారు. పెయింటింగ్ ఉన్న కేంద్రాలను అప్గ్రేడ్ చేశామని , ఇంకా చేయాల్సినవి ఎన్ని ఉన్నాయో లిస్ట్ అవుట్ చేయమన్నారు. సెప్టెంబర్ 10 లోగా పనులన్నీ పూర్తి చేయాలని అధికారులకు తెలిపారు. ఈ కార్యక్రమంలో జిల్లా అదనపు కలెక్టర్ నర్సింగరావు, జిల్లా శిశు సంక్షేమ శాఖ అధికారి సుధారాణి, మిషన్ భగీరథ ఈ.ఈ శ్రీధర్ రెడ్డి, ఈ.ఈ బషీర్ అన్ని మండలాల ఏఈలు, ఐసిడిఎస్ సూపర్వైజర్లు, తదితరులు పాల్గొన్నారు.